Styðja ekki björgun bankanna/þessu er slegið fram,en hefur ekki á reynt,en vissulega áhætta!!!

Styðja ekki björgun bankanna
Innlent | mbl.is | 2.8.2010 | 7:34
34 þingmenn af 63 ætla að greiða atkvæði gegn því að bönkunum verði bjargað á nýjan leik, samkvæmt frétt Bloomberg fréttastofunnar. Eru allir þingmenn stjórnarandstöðunnar og þrír þingmenn Vinstri grænna andvígir því að veita bönkunum nýtt fjármagn.

Alþingi getur komið í veg fyrir tilraunir ríkisstjórnarinnar til að endurfjármagna íslensku bankana ef þeir þurfa á nýju fjármagna að halda vegna dóma um ólögmæti gengistryggingu lána, samkvæmt Bloomberg.

Ríkisstjórnin getur ekki í annað skiptið á jafn mörgum árum, án stuðnings Alþingis, endurfjármagnað bankakerfið en talið er að fjármálageirinn þurfi á auknu fé að halda eftir dóm Hæstaréttar í júní sl. þar sem gengistrygging bílalána var dæmd ólögleg.

Matsfyrirtækið Moody's breytti í síðustu viku horfum á Baa3 lánshæfiseinkunn ríkissjóðs Íslands fyrir innlendar og erlendar skuldbindingar úr stöðugum í neikvæðar. Moody's breytti einnig horfum á lánshæfisþaki Íslands fyrir erlendar langtíma- og skammtímaskuldbindinga úr stöðugum í neikvæðar.

„Þessi breyting á lánshæfismati á rætur sínar að rekja til nýlegs dóms hæstaréttar um ólögmæti gengisbundinna lána og áframhaldandi erfiðleika stjórnvalda við að leysa Icesave deiluna við bresk og hollensk stjórnvöld. Dómur hæstaréttar getur haft þau áhrif að bankarnir tapi töluverðu fé á gengisbundnum lánum til innlendra lántaka og gæti bankakerfið því þurft aukinn stuðning frá stjórnvöldum. Takist ekki gæti það leitt til þess að Norðurlöndin og Alþjóðagjaldeyrissjóðurinn haldi að sér höndum hvað varðar frekari lánafyrirgreiðslu til íslenskra stjórnvalda," segir í lauslegri þýðingu Seðlabanka Íslands á ákvörðun Moody's. 

Moody‘s bendir á að skuldastaða íslenska ríkisins sé nú þegar há miðað við núverandi lánshæfismat þess. Jafnframt sé því spáð að heildarskuldir ríkisins nái 150% af vergri landsframleiðslu á þessu ári og að hreinar skuldir þess verði 86%. Samkvæmt spá fyrir næsta ár munu hreinar skuldir nálgast 100% af vergri landsframleiðslu.

Guðfríður Lilja, Ögmundur og Lilja Mósesdóttir á móti

Bloomberg hefur eftir Guðfríði Lilju Grétarsdóttur, VG, að hún muni ekki styðja endurfjármögnun bankanna. Nægu fé hafi verið dælt inn í bankakerfið. Fjármálakerfið sé allt of stórt.

Margrét Tryggvadóttir, Hreyfingunni, segir það óþolandi að hagnaður renni alltaf til einkaaðila á meðan tapið falli á skattgreiðendur.

Bjarni Benediktsson, Sjálfstæðisflokki, segir að ríkisstjórnin verði að forðast það að þurfa að endurfjármagna bankanna.

Sigmundur Davíð Gunnlaugsson, Framsóknarflokki, Ögmundur Jónasson og Lilja Mósesdóttir, VG, staðfestu öll andstöðu sína við endurfjármögnun bankanna við fréttamann Bloomberg.

Gunnar Þ. Andersen, forstjóri Fjármálaeftirlitsins, telur að í nóvember í síðasta lagi muni liggja fyrir hversu mikið fé bankarnir þurfa á að halda.

Svipað ástand og sumarið 2008

Dómur Hæstaréttar féll rétt fyrir sumarleyfi í Hæstarétti en dómurinn kemur ekki saman aftur fyrr en í september. Gísli Hauksson, hagfræðingur hjá GAM Management hf. segir ástandið nú minna mjög á sumarið 2008 þegar þörf var á að erfiðar ákvarðanir væru teknar. „Við stöndum nú frammi fyrir erfiðari ákvarðanatöku en  stjórnsýslan er í sumarleyfi."

Gísli segir að ef ekki verður sett nýtt fjármagn inn í bankana geti það þýtt að Arion banki og Íslandsbanki verði neyddir til sameiningar. Alþjóða gjaldeyrissjóðurinn segir að fjármálageirinn sé of stór á Íslandi svo kannski verður þetta til þess að straumlínulaga kerfið, segir Gísli í samtali við Bloomberg.það tíðkast svolítið undanfarið að við fáum okkar fréttir að utan sem skipta máli, eða hvað???Þetta ber náturlega að taka alvarlega,þetta setur okkur öll ef við eigum eitthvað i bönkum í þá stöðu að taka bara peningana út og geyma heima eða í öruggri geymslu,þetta er búið að vera að gerast lengi og ekkert gert til að varna því,við borgum Bönkunum mikið meir en við eigum að gera fyrir skuldir okkar en þeir,heimta bara meiri pening til að fella niður skuldir stórar og fyrrtæka sem þef taka eignarnámi og 'íbúðir einnig,svo verður að skrifa og við eigum að borga almenningur,Ríkisstjórn vor hefur þarna nóg að gera en það er takmarkað sem hún gerir,bankarnir komast upp með allt og við sem eigum þarna aur ber að taka þá út ef ekki á tapast,þetta er ljót að segja,en sennilega rett samt/Halli gamli

Styðja ekki björgun bankanna

Athugasemdir

[Agla (IP-tala skráð) 2.8.2010 kl. 16:43]

Hvað myndi gerast ef við sem eigum eitthvað smávegis yfir jafnvirði 21 þúsunda evrum á inneignarreikning geystumst niður í útibúið okkar í fyrramálið og krefðumst þess að fá inneigninga greidda í beinhörðum peningum?????????

[Sigurður Haraldsson, 3.8.2010 kl. 01:44]

Það er ekki flókið kerfið hryndi! Og það sem meira er það er hrunið því verður ekki forðað.