Umboðsmaður skuldara hættur/ var honum ekki gert að hætta !!!!!

Umboðsmaður skuldara hættur
Innlent | mbl.is | 3.8.2010 | 19:39
Runólfur Ágústsson, nýskipaður umboðsmaður skuldara, segir að Árni Páll Árnason félagsmálaráðherra hafi hringt í sig í morgun og beðið sig að stíga til hliðar. Runólfur kvaðst hafa íhugað þessa ósk og ákveðið að segja af sér, að því er fram kom í Kastljósi Sjónvarpsins í kvöld.

Runólfur var í viðtal við Sigmar Guðmundsson, stjórnanda Kastljóss. Hann sagði ljóst að umboðsmaður skuldara geti ekki sinnt brýnum verkefnum sem bíði embættisins nema með dyggum stuðningi ráðherrans. 

„Ég hef því sent ráðherra bréf þar sem ég hef beðist undan þessu starfi og segi mig raunverulega frá því,“ sagði Runólfur í samtalinu við Kastljós. Hann tók við starfinu í morgun.

Runólfur sagði að ráðherrann hafi kveinkað sér undan pólitísku umræðunni sem hefur verið um ráðningu umboðsmanns skuldara og sagði Runólfur að sér hafi ekki þótti mikill mannsbragur að því. 

Hann kvaðst hafa sótt um starfið því hann hafi haft áhuga á að gegna því. Runólfur sagði að gríðarlega stór verkefni bíði embættisins og nefndi í því sambandi að á níunda hundrað mál bíði óafgreidd og að afgreiða þurfi neysluviðmið, sem sé mjög brýnt.

Félagsmálaráðherra hafði sent Runólfi bréf og óskað frekari skýringa á fjármálum hans, en þau hafa verið talsvert til umræðu frá því að DV birti frétt þar um í síðustu viku. Runólfur sagði í upphafi viðtalsins að hann ætlaði að senda inn umbeðin gögn. Þar sé ekkert sem ekki þoli dagsins ljós og hann hafi ekkert að fela. 

Runólfur sagði að Árni Páll félagsmálaráðherra hafi beðið um upplýsingar allt aftur til ársins 2003, bæði persónulegar og um félög sem hann hafi átt á þessum tíma.

Skuldamál Runólfs bar aldrei á góma í ráðningarferlinu að hans sögn.  Hann gerði grein fyrir því að hann hafi sjálfur lagt fram 100 milljónir króna í reiðufé, aleigu sína á þeim tíma, til kaupa á hlutafé í Sparisjóðabankanum, sem þá hét Icebank.

Eigendur hlutafjárins, sparisjóðir, lánuðu honum fyrir því sem á vantaði en hlutaféð var metið á 300 milljónir. Hann sagði að bankinn hafi átt frumkvæði að viðskiptunum.

Runólfur kvaðst hafa tapað öllu því sem hann lagði í kaupin og hafa orðið fórnarlamb græðgisvæðingarinnar sem ríkti á þessum tíma.///// þetta er svo að honum er gert að hætta af Ráðherra,sem er að verja sig og sína,allir hljóta að sjá það i hendi sér að það er málið,horfði á  Kastljosið' og þar kom þetta hreint fram,að Árni Páll hringdi og bað hann að stíga til hliðar,hvað gat Runólfur annað gert,mer finnst hann maður af meiri ,en Ráðherra er ekki búin að bita úr nálinni ennþá,og getur komið honum um koll/Halli gamli

Umboðsmaður skuldara hættur

Athugasemdir

[Hólmfríður Bjarnadóttir, 3.8.2010 kl. 22:12]

Mikið er ég reið og sár fyrir hönd skuldara í landinu. Fjármálastofnunum hefur tekist með dyggri aðstoð fjölmiðla o. fl. að bola Runólfi Ágústssyni burt úr embætti umboðsmanns skuldara.

Upplýsingum var lekið úr fjármálafyrirtæki/fyrirtækjum í fjölmiðla um einkahlutafélag í eigu Runólfs. Svo mikið er víst að það var ekki gert af "umhyggju" við skuldara.

Nei, auðvitað ekki, forsvarsmenn fjármálastofnana vissu sem var að þarna væri skeleggur maður á ferð sem mundi í nafni embætti Umboðsmanns skuldara, ganga hart fram í að leiðrétta þeirra hlut.

Þið sem hafið talað um drusluskap og linkind félagsmálaráðherra Árna Páls Árnasonar (og ég hef verið í þeim hópi síðustu mánuði) - hafið nú með ykkar gagnrýni og þrýstingi gert hans besta verkfæri máttlaust.

Ég sá nýja von fyrir skuldara með ráðningu Runólfs Ágústssonar

[Rúnar Þór Þórarinsson, 4.8.2010 kl. 06:59]

Tek undir þetta með Hólmfríði. Þetta mál og umgjörð þess lyktar eins og veturgamall flór.

[Jóhann Elíasson, 4.8.2010 kl. 12:06]

Það er alveg greinilegt að Hólmfríður þekkir ekki neitt til Runólfs Ágústssonar og ég get alveg fullyrt það að Runólfur hefði ekki verið neinn happafengur fyrir skuldara en sjálfsagt er eitthvað til af Landráðafylkingarmönnum/konum á lausu til að skipa í þetta starf.