Umferðin þyngist um Norðurland/Vonandi að allir komi heilir heim !!!!!!

Umferðin þyngist um Norðurland
Innlent | mbl.is | 8.8.2010 | 14:48
Talsverð umferð er nú um Norðurland enda gestir Fiskidagsins á Dalvík teknir að tínast burt og halda heim á leið. Umferðin er þung út úr bænum en lögregla gefur fólki kost á að blása í áfengismæli. Lögreglan á Sauðárkróki er enn á vettvangi 5-7 bíla áreksturs sem varð við Blönduhlíð

Lögregla gefur fólki kost á því að blása í áfengismæla áður en það sest undir stýri. Boðið er upp á það bæði við tjaldstæðin og á lögreglustöðinni og eru að sögn lögreglu margir sem nýta sér þá þjónustu til að ganga úr skugga um að þeir séu ökuhæfir.

Um Akureyri er umferðin þung en hefur gengið vel fyrir sig. Lögreglan á Sauðárkróki er hins vegar enn á vettvangi 5-7 bíla áreksturs sem varð á þjóðvegi 1 um Blönduhlíð við Bólu, rétt við Öxnadalsheiði. Þjóðvegurinn hefur verið nánast lokaður af þeim sökum síðasta klukkutímann og því nokkrar tafir á umferðinni. Engin alvarleg slys urðu í árekstrinum að sögn lögreglu.

Um Blönduós fer slæðingur af bílum en þar er umferðin þó ekki nema í meðallagi að sögn lögreglu og má ætla að það sé m.a. vegna tappans sem myndaðist í Skagafirðinum. Einn bíll keyrði út af við Blönduós í morgun og er bílstjórinn grunaður um akstur undir áhrifum áfengis og fíkniefna. Hann slasaðist ekki að sögn lögreglu.

Umferðareftirlit verður við þjóðveginn í dag og má búast við að umferðin verði þung fram eftir degi.//gott að engin er alverlag slys verða í svo árekstri ,en það er verðið a' brýna fyrir mönnum að aka á ferðahraða og hafa mátulegt bil á millum bila,enn og aftur er það sem menn eru alltaf að segja að halda sæmilegum hraða um 80-90 og þá gengur þetta mikið betur þeir sem ekki treysta sér til þessa verða bara að hleypa hinum framúr,lögregla á að taka þessu bilstjóra sem aka of hægt og sekta alveg eins og fyrir ólöglegan akstur,það i liggur hundurinn grafin/Halli gamli

Umferðin þyngist um Norðurland