Vill rannsókn á vinnubrögðum sérstaks saksóknara/það eitt er rétt að gera sammála þvi !!!!

Vill rannsókn á vinnubrögðum sérstaks saksóknara
Innlent | mbl.is | 28.8.2010 | 6:24
Sigurður Einarsson, fyrrverandi stjórnarformaður Kaupþings, segist í viðtali við Fréttablaðið í dag vonast til þess að fram fari opinber rannsókn á vinnulagi sérstaks saksóknara.

Sigurður segir, að gæsluvarðhaldsúrskurðir í maí yfir Hreiðari Má Sigurðssyni og fleiri fyrrum yfirmönnum Kaupþings hafi ekkert haft með hagsmuni rannsóknar saksóknara að gera.

„Embætti saksóknara hafði verið með ýmsar yfirlýsingar um að brátt færi að líða að þessu og hinu, ákærum og svo framvegis. Ég held að það hafi verið kominn töluverður þrýstingur á að eitthvað gerðist. Þá var gripið til þess ráðs að þjarma hraustlega að okkur Kaupþingsmönnum og sumir jafnvel hnepptir í varðhald. Mér er kunnugt um að fyrrverandi forstjóri bankans, Hreiðar Már Sigurðsson, var hnepptur í tólf daga einangrun en ekkert talað við hann fyrr en á síðasta degi varðhaldsins. Maður spyr: Er það eðlilegt? Þá mundu þeir auðvitað segja: Við þurftum að tala við ýmsa aðra. En mér er kunnugt um það hverja aðra var talað við og það er ekkert þar sem réttlætir tólf daga gæsluvarðhald. Ekkert," segir Sigurður.

Segir Sigurður að hann hafi, með því að neita lengi vel að mæta í yfirheyrslu á Íslandi, ekki ætlað að tefja rannsóknina heldur verið að mótmæla óskiljanlegum yfirgangi og valdníðslu.  

Sjálfur segist hann telja að hann hafi gefið fullnægjandi skýringar á öllu því, sem honum er gefið að sök. Þá segir hann það ofvaxið sínum skilningi, að Icesave-málið skuli ekki hafa verið fyrsta málið, sem rannsakað var sem sakamál eftir hrun.

Sigurður segist hafa reynt að skapa sér nýja tilveru eftir bankahrunið og það hafi gengið býsna vel áður en saksóknarinn ákvað að setja hann á lista alþjóðalögreglunnar. Sú ákvörðun hafi reynst mjög afdrifarík fyrir sig og sína fjölskyldu.

Þegar Sigurður er í viðtalinu spurður hvort hann telji sig skulda íslenskum almenningi afsökunarbeiði segist hann telja að það sé annarra að biðjast afsökunar á skellinum sem lífskjör almennings hlutu í hruninu.

„Það sem ég er að reyna að segja er að ég ber mína ábyrgð en ekki gagnvart þjóðinni og ég tel að það sé þeirra sem til hennar sóttu umboð að standa henni reikningsskil gjörða sinna. Í þeim efnum er ég auðvitað að tala um stjórnmálamenn og embættismenn í stjórnsýslunni," segir Sigurður./////maður er smmála  þessu með Saksóknara það kemur ekki mikið út og alltaf verið að fjölga i því lið 10-4 liði og dýrt er það en skilar engu að mínu mati,ef eitthvað væri gert að viti hlyti þetta að ganga þetta,eru Dýrt fólk og orðið' um 80 manns ef satt er sagt frá,en þarna er eg ekki að velja gjörðir þessara mann sem er verið að rannsaka en að láta þá komast i gagnsök er ekki hægt að mínu mati,auðvitað er þetta erfitt mal en það gengur bara ekkert eins og eg sagði áður/Halli Gamli

Vill rannsókn á vinnubrögðum sérstaks saksóknara

Athugasemdir

[JóhÓ (IP-tala skráð) 29.8.2010 kl. 21:54]

Það getur verið snúið að finna sök á fólk þegar almenningur heimtar sakfellingu en ekkert lögbrot hefur verið framið. Sýndarmennska og sirkustrikk, látum líta út fyrir að við getum og séum að gera eitthvað. Þegar saman fer stórgallað regluverk og lágt siðferði er ekki von á góðu. Að treysta því að fólk fari eftir einhverjum óskráðum reglum er barnaskapur. Að ætlast svo til þess að fólki sé svo refsað er heimska. Að gefa fólki von um að eitthvað verði gert er lýðskrum.