Ánægðir með íslenskar aðstæður/þetta er gott fyrir okkar flugvöll,og við þurfum að nota okkur það!!!!

Ánægðir með íslenskar aðstæður
Innlent | mbl.is | 4.9.2010 | 9:04
„Ég er mjög ánægður með aðstæðurnar hér og móttökur flugumferðarstjóra og annarra starfsmanna flugvallarins og þeirra sem hafa aðstoðað okkur,“ sagði Randall Lee Neville, flugmaður hjá Boeing sem hefur síðustu daga verið við flugprófanir á Keflavíkurflugvelli á nýjustu vél Boeing, B787 Dreamliner.

Boeing 787 þotan hefur verið í flugprófunum síðustu mánuði og eru fimm þotur þegar farnar í loftið og sú sjötta bætist við fljótlega.

Randall Lee Neville segir að tilgangurinn með prófunum á Íslandi sé að reyna þotuna í hliðarvindi og um leið hvernig sjálfstýring og önnur kerfi hennar virka við erfiðar aðstæður. Hann segir góðan árangur af verunni hér en þoturnar fimm hafa verið í margháttuðum prófunum, m.a. verið flogið frá Seattle í Bandaríkjunum þar sem verksmiðjurnar eru staðsettar, til Norðurpólsins til að reyna siglingatæki vélarinnar. Er það ein lengsta flugferð þotunnar til þessa og tók 16 tíma.

Tíu þotur framleiddar á mánuði

Gert er ráð fyrir að fyrsta B787 verði afhent fyrsta kaupandanum, All Nippon Airways, fyrri part næsta árs en Icelandair er einnig meðal kaupenda. Þegar framleiðslan verður komin í fullan gang árið 2013 verða framleiddar 10 þotur á mánuði. Þá verða boðnar tvær gerðir, B787-8 sem tekur 250 farþega, og B787-9 sem taka á 290 farþega en hún kemur á markað nokkru síðar.

Þoturnar fimm sem hafa verið í prófunum hafa alls flogið í 1.650 tíma í 540 ferðum. Prófanirnar ganga út á flug á sérlega heitum svæðum, ofurköldum svæðum, í sérstaklega mikilli hæð og síðan eru tæki hennar prófuð við ýmsar erfiðar aðstæður eins og hérlendis í hliðarvindi.

Randall Lee Neville segir að prófunum sé ekki lokið og framundan sé meðal annars að fljúga með fulltrúa bandarískra og kanadískra loftferðayfirvalda, svo og fulltrúa EASA, flugöryggisstofnunar Evrópu.

Hann vildi að lokum koma á framfæri sérstökum þökkum til íslenskra flugmálayfirvalda fyrir aðstoðina hérlendis en hann þekkir ágætlega til í Keflavík þar sem hann var í bandaríska hernum hér á áttunda áratug síðustu aldar. Boeing hefur áður prófað nýjar vélar sínar í erfiðum veðurskilyrðum á Íslandi, meðal annars B777 breiðþotuna fyrir nokkrum árum////þetta mjög svo gott fyrir okkar ágætu flugvöll,meðmæli og það gott,við eigum að semja bæðii við Hollendinga um afnot,ef þetta fyrirtæki stenst allar kröfur og við getum treyst því að ekki er um vopnaðar þotur .þarna en þetta skapar störf og peninga!!! og svo kannski NATO sem vantar flugvöll sem er á góðum stað fyrir a'ð var á miðsvæði austan og vestan við gætum aflað mikið á þessu öllu ,einnig þarna spítala sem er fyrir, byggja hann betur upp og setja af stað lækningar fyrir erlenda og fá þarna vinnu sérfræðinga og anaðra og mikin gjaldeyrir/þetta þarf allt að skoða með jákvæðni ekki spurning,en hvað þessi nýja Alaballastjórn gerir er ekkert víst/Halli gamli

Ánægðir með íslenskar aðstæður