Ágreiningur um hve marga ætti að ákæra/Þetta er mjög svo umdeilt,ekki spurning!!!

Ágreiningur um hve marga ætti að ákæra
Innlent | Morgunblaðið | 9.9.2010 | 10:30
Ekki mun hafa verið full samstaða um það innan Samfylkingarinnar hversu mörgum fyrrverandi ráðherrum bæri að birta ákæru þegar landsdómur yrði kallaður saman til þess að fjalla um hugsanlega ábyrgð fyrrverandi ráðherra úr ríkisstjórn Sjálfstæðisflokks og Samfylkingar samkvæmt lögum

Samkvæmt upplýsingum Morgunblaðsins hefur Össur Skarphéðinsson utanríkisráðherra verið þeirrar skoðunar að birta bæri þeim Geir H. Haarde, fyrrverandi forsætisráðherra, og Ingibjörgu Sólrúnu Gísladóttur, fyrrverandi utanríkisráðherra, kæru, en Jóhanna Sigurðardóttir forsætisráðherra mun vera þeirrar skoðunar að birta beri fjórum fyrrverandi ráðherrum ákæru, þ.e. þeim Björgvini Sigurðssyni, fyrrverandi viðskiptaráðherra, og Árna M. Mathiesen, fyrrverandi fjármálaráðherra, einnig, auk þeirra Geirs H. Haarde og Ingibjargar Sólrúnar Gísladóttur.

Heimildir Morgunblaðsins herma að allar líkur séu á því að forsætisráðherra hafi síðasta orðið í þessum efnum og fyrrverandi ráðherrarnir sem birt verður ákæra verði fjórir talsins, en Össur hefur lagt mikla áherslu á að sérstakur skjólstæðingur hans og uppeldissonur í pólitík, Björgvin G. Sigurðsson, verði ekki dreginn fyrir landsdóm. Niðurstaða liggur ekki fyrir og samkvæmt heimildum Morgunblaðsins fór allt í hund og  kött á fundi Samfylkingarinnar síðdegis í gær, þar sem stefnt var að því að ná samstöðu um málið.

Efasemdir Sjálfstæðisflokksins um að taka þátt í hinni þverpólitísku samstöðu, sem stefnt var að með störfum þingmannanefndarinnar, hafa, samkvæmt upplýsingum Morgunblaðsins, stóraukist eftir gærdaginn.

Rétt er þó að taka fram að þrátt fyrir fund þingnefndarinnar síðdegis í gær, sem stóð langt fram á kvöld, er störfum nefndarinnar enn ekki lokið. Samkvæmt sömu upplýsingum mun nefndin þó ótrauð stefna að því að gera grein fyrir niðurstöðum í störfum sínum síðdegis á laugardag um ráðherraábyrgð

Lögin um landsdóm

Fyrsta og önnur grein laga um landsdóm eru svohljóðandi: „1. gr. Landsdómur fer með og dæmir mál þau, er Alþingi ákveður að höfða gegn ráðherrum út af embættisrekstri þeirra.

 

2. gr. Í landsdómi eiga sæti 15 dómendur, og eru þeir þessir:

a. [þeir fimm dómarar við Hæstarétt sem hafa átt þar lengst sæti, dómstjórinn] 1) í Reykjavík og prófessorinn í stjórnskipunarrétti við Háskóla Íslands. Hæstiréttur kveður til varadómendur hæstaréttardómara úr hópi [annarra 2) hæstaréttardómara og síðan] 1) lagakennara háskólans, hæstaréttarlögmanna eða héraðsdómara, sem fullnægja skilyrðum til þess að vera skipaðir dómarar í hæstarétti. [Varamaður dómstjórans í Reykjavík er sá héraðsdómari í Reykjavík sem hefur lengst gegnt því embætti.] 1) Lagadeild háskólans kýs varamann prófessorsins í stjórnskipunarrétti;

b. átta menn kosnir af sameinuðu Alþingi með hlutfallskosningu til 6 ára í senn.“

Þingmannanefndin
» Þau sem skipa þingmannanefnd til að fjalla um skýrslu rannsóknarnefndar Alþingis eru: Atli Gíslason, formaður, Birgitta Jónsdóttir, Eygló Harðardóttir, Lilja Rafney Magnúsdóttir, Magnús Orri Schram, Oddný G. Harðardóttir, Ragnheiður Ríkharðsdóttir, Sigurður Ingi Jóhannsson og Unnur Brá Konráðsdóttir, varaformaður////þetta er viðaramikið og mjög svo umdeilt mál að mínu mati,þetta með ef og aftur ef ????,er svo mikið þarna,en auðvitað eiga menn að bera ábyrð og ekkert annað en í gegnum tíðina hefur þetta viðgengist að menn beri ekki ábyrgð þegar a´holin er komið,svo allavega hef ek á mínum lánga ferli ekki séð því miður!!!,en þetta er svo að ef landlög hafa verið brotin eiga saksóknarana og dómara að fjalla um þetta en ekki Alþingið sjálft,svo allavega finnst manni og hlýtur að verða gert ef menn eru  sakhæfir, Mundi til dæmis eitthver vilja segja að það  sem  hefur gert há þessari ríkisstjórn sem nú situr hafi gert allt rétt og ef vel væru aðgætt eitthvað ólöglegt ??? það er alltaf umdeilt og það vitum við að hún hefur gert!!/Halli gamli

Ágreiningur um hve marga ætti að ákæra

Athugasemdir

[Gylfi Björgvinsson, 9.9.2010 kl. 15:03]

Halli !!

Fyrir mér er málið mjög einfallt. Allir þingmenn sem sátu á þingi fram að hruni eru sekir um verulega vanrækslu og ef byrta á einum eða tveim ákæru þá á að byrta þeim öllum 63 ákæru. Þó einhverjir hafi vitað minna en aðrir þá áttu þeir allir að vita betur og gera eitthvað í málinu.

[Anna Sigríður Guðmundsdóttir, 9.9.2010 kl. 21:59]

Halli. Ungur og hugsandi maður sagði við mig: þetta er í raun engum einum að kenna, því enginn eða fáir vissu (í rauninni) að efnahags-bólan væri bara plat svikara úti í hinum stóra heimi! Ef vel er að gáð er þetta líklega alveg hárrétt? Mannskepnan er í raun svo takmörkuð í sínum verkum og fræðum? Veð hengjum hvort annað án skilnings á raunverulega vandanum?

það þarf að spóla til baka? Og efla eftirfylgni réttlátra laga með auknum fjárframlögum til lögreglunnar og réttlátum dómum heiðarlegra dómara, og þar er pottur brotinn sem verður að laga?

Að mínu mati er Björgvin G. Sigurðsson heiðarlegastur allra og var svikinn af forystunni (var leyndur sannleikanum af Ingibjörgu Sólrúnu) og Geir Haarde var svikinn af félaga sínum og vini: Davíð Oddsyni, og ef dæma á þessa 2 menn (Björgvin og Geir) fyrir svik yfirmanna sinna, þá eru Íslensk stjórnvöld svo sannarlega á rangri braut að mínu mati.

Björgvin er í raun sá eini sem hefur tekið ábyrgð og sagt af sér, og nú á að "hengja" hann af öllum, fyrir svik í starfi? Lengi getur vont versnað ef ekki er gripið inn í framvindu svika-mála!

Best væri að byrja frá deginum í dag að fara eftir stjórnarskránni og Íslenskum lögum, og kosti það bara það sem það verður að kosta í fórnum. Kjarkleysi og aðgerðar-leysi mun kosta okkur öll miklu meira og líklega einungis viðhalda rányrkjunni með tapi allra að lokum?

Ef farið er eftir stjórnarskránni þarf ekki allt þetta efasemdar-vafstur, því hún er nokkuð skýr. Hún er ekki margar blaðsíður og meira að segja ég gat lesið hana og skilið nokkurn veginn rétt held ég, ómenntuð manneskjan að mestu leyti! M.b.kv. 

[Haraldur Haraldsson, 9.9.2010 kl. 22:12]

þakka innlitið ykkar Gylfi og Anna,þetta er mikið rétt hjá þér Anna að hengja bakara fyrir smið er ekki rétt,og að fara eftirstjornaskra´er það sem á að gera hún er í lagi/Kveðja Halli gamli