Heiðar: Erfitt að hlaupa á eftir boltanum í 90 mínútur/'Ísland tapaði fyrur betra liði,ekki spurning!!!

Heiðar: Erfitt að hlaupa á eftir boltanum í 90 mínútur
Íþróttir | mbl | 12.10.2010 | 23:35
Dalvíkingurinn Heiðar Helguson stóð í ströngu í framlínunni gegn Portúgölum á Laugardalsvelli í kvöld. Gestirnir sigruðu 1:3 og Heiðar skoraði mark Íslands þrátt fyrir að varnarmenn Portúgals fengju að ganga ansi vasklega fram gegn honum oft á tíðum.
Það er svo týpískt að dómararnir séu með stjörnur í augunum. Auðvitað pirraði ég mig á þessu en það er lítið við þessu að gera. Þeir fengu miklu fleiri aukaspyrnur heldur en við og ég hefði alveg mátt fá fleiri aukaspyrnur en það þýðir lítið að væla yfir því núna,“ sagði Heiðar þegar mbl.is ræddi við hann í kvöld og hann var þokkalega sáttur við margt í leik íslenska liðsins að þessu sinni. 

„Það var margt jákvætt í þessu. Við spiluðum ágætlega í fyrri hálfleik og þá fengum við á okkur tvö hörku mörk. Ég veit svo sem ekki hvort við gátum gert eitthvað til að koma í veg fyrir þau en kannski áttum við að hoppa upp í aukaspyrnunni sem þeir skoruðu úr. Það er alltaf hægt að segja ef og hefði. Það var aftur á móti slæmt að fá á okkur mark skömmu eftir að við jöfnuðum. Við fengum smá meðbyr eftir jöfnunarmarkið en það var fljótlega dregið úr okkur. Þetta er náttúrlega hörkulið og það verður ekki af þeim tekið. Við áttum svo sem von á því að þeir yrðu mikið með boltann og það er erfitt að hlaupa á eftir boltanum í 90 mínútur.“

Heiðar skoraði með skalla eftir hornspyrnu en varnarmenn Portúgala reyndu að bjarga á marklínu en aðstoðardómarinn veifaði flaggi sínu til merkis um að boltinn hafi farið allur inn fyrir marklínuna. „Mér er alveg sama hvort boltinn var inni eða ekki. Línuvörðurinn sagði að hann hafi verið inni og það er nóg,“ sagði Heiðar ennfremur við mbl.is.///þetta er engin skömm að tapa fyrir þessu liði Portúgala als ekki,en samt er þetta ekki það sem við viljum !! en svo er þetta þeir voru allavega 1-2 númerum betri,við segjum alltaf þetta kemur en það gæti gerst i framtíðinni þegar þetta U 21 lið er komið fram í landslið ,kannski ekki langt að biða/Halli gamli

Heiðar: Erfitt að hlaupa á eftir boltanum í 90 mínútur