Dýrt að kinda með rafmagni sem þarf mikið á köldum svæðum!!!!

Íbúar á köldum svæðum landsins þurfa að hafa um hálfri milljón króna hærri tekjur á ári en þeir sem búa á hitaveitusvæðum, til að hafa efni á því sem munar í raforkukostnaðinum. Rafmagnsverð er samsett úr mörgum þáttum, en í heild kostar kílóvattstundin á bilinu frá rúmlega þrettán og hálfri krónu upp í um 15 og hálfa. En, rafmagn til ljósa og tækja er aðeins hluti orkunnar sem heimilin þurfa. Stærsti hlutinn er til að hita húsin. Þar búa þeir vel sem hafa hitaveitu eins og á höfuðborgarsvæðinu og á Akureyri, og reyndar á ýmsum fleiri heitum svæðum. Á höfuðborgarsvæðinu kostar orkan til heimilisins, rafmagn og hiti, um 215 þúsund krónur á ári eftir að Orkuveitan hækkaði gjaldskrána. Nánast sami kostnaður er á Akureyri.   Á köldum svæðum þarf að hita með rafmagni, og miklu af því. Orkukostnaðurinn er ríflega tvöfaldur á við hitaveitusvæðin, fer hæst í 480 þúsund krónur á ári hjá Rarik í dreifbýli og er svipaður á Vestfjörðum í dreifbýli. Munurinn er yfir 260 þúsund krónur á ári og miðað við skatta og gjöld þarf því heimili á köldu svæði að afla ríflega hálfrar milljónar króna á ári í tekjur, til að hafa efni á mismuninum. Þetta er eftir að heimilin hafa fengið niðurgreiðslu frá ríkinu vegna hins háa kostnaðar. Niðurgreiðslan getur verið allt upp í ríflega 200 þúsund krónur á ári. Án niðurgreiðslunnar þyrftu íbúar köldu svæðanna að afla langt í einnar milljónar króna í tekjur á ári til þess að standa undir kostnaðarmuninum. //þetta er og varðu ekki hægt að gera til lengar að haf þetta svona dýrt,það setandu engin undir þessu/Halli gamli