Telur hugmyndir varðandi heilbrigðiskerfið athyglisverðar/það gerum við öll,ekki bara Ólína!!!!

Telur hugmyndir varðandi heilbrigðiskerfið athyglisverðar
Innlent | mbl.is | 22.11.2010 | 9:38
Ólína Þorvarðardóttir, þingmaður Samfylkingarinnar, segir sjónarmið Guðrúnar Bryndísar Ragnarsdóttur, verkfræðings og sjúkraliða, varðandi heilbrigðiskerfið athyglisverð. Guðrún segir verulega hættu á því að við Íslendingar missum heilbrigðiskerfið úr almannaþjónustu yfir í tryggingakerfið innann fárra ára, likt og gerst hefur i Hollandi.                                                                                                                                                Guðrún Bryndís bendir á að niðurskurður í heilbrigðiskerfinu eins og nú, geti gert alla heilbrigðisþjónustu dýrari.  Við stöndum frammi fyrir miklum niðurskurði hjá hinu opinbera, meðal annars á heilbrigðisstofnunum á landsbyggðinni, þar sem gerðar eru ýmsar minni aðgerðir sem ekki eru framkvæmdar í Reykjavík.  Guðrún telur að fyrirhugaður niðurskurður geti leitt til þess að þessar aðgerðir verði í auknum mæli gerðar á einkareknum skurðstofum á höfuðborgarsvæðinu með auknum tilkostnaði," skrifar Ólína á blogg sitt á Eyjunni.

Í Morgunblaðinu um helgina var fjallað um hugmyndir Guðrúnar Bryndísar. 

En hún hefur kynnt sér sjúkrahússtarfsemi á landsbyggðinni og Landspítalanum. Hún skilaði minnisblaði í sumar um Kragaskýrsluna svonefndu, sem heilbrigðisráðuneytið lét gera á síðasta ári um endurskipulagningu sjúkrahúsþjónustu á suðvesturhorni landsins. Hún fór yfir útreikninga sem þar birtust og benti á að hagkvæmara gæti reynst að nýta betur skurðstofur Kragasjúkrahúsanna, þar sem ábatinn af því væri meiri þegar upp væri staðið, heldur en að færa öll verkefni til Landspítalans.

Guðrún Bryndís segir í samtali við Morgunblaðið að hið sama gildi um boðaðan flutning verkefna frá minni sjúkrahúsum á landsbyggðinni til Landspítalans eða Sjúkrahússins á Akureyri. Það sé ekki endilega hagkvæmasta leiðin að leggja þjónustu þar af og beina sjúklingunum annað.„Þjónustan á þessum stöðum er einfaldlega að sinna eftirspurn á hverju svæði. Við þurfum að spyrja okkur hvaða þjónustu er hægt að veita fyrir peninginn sem er til ráðstöfunar, með tilliti til þeirrar þjónustu sem landsmenn þurfa á að halda,“ segir Guðrún Bryndís og bendir á að farandsérfræðingar styðji við minni sjúkrahúsin. Sú þjónusta spari gífurlegan kostnað og hafi verið að byggjast upp á löngum tíma, í góðri samvinnu við heilbrigðisstofnanir á hverjum stað.

Hún bendir jafnframt á þann mikla samrekstur sem fram fer undir einu þaki á þessum stofnunum; í heilsugæslu, á sjúkrasviði og öldrunarsviði. Á þessum sviðum hafi stjórnendur verið að hagræða töluvert í samvinnu við starfsfólk.

„Litlu sjúkrahúsin hafa verið að taka við sjúklingum frá Landspítalanum til eftirmeðferðar. Þau eru ólík Landspítala og Akureyri að því leyti að þau eru ekki kennslusjúkrahús og þar starfa útlærðir sérfræðingar,“ segir Guðrún Bryndís en tekur skýrt fram að Landspítalinn og Sjúkrahúsið á Akureyri gegni mjög mikilvægu hlutverki sem kennslusjúkrahús. Milli þessara stofnana og landsbyggðarinnar fari einnig fram margháttað samstarf sem hægt sé að efla enn frekar og auka þannig þjónustu sjúkrahúsanna. Þannig komi t.d. læknar frá Akureyri á Sauðárkrók og framkvæmi aðgerðir þar á Akureyringum.

„Læknar á minni sjúkrahúsum taka ekki neina áhættu og framkvæma ekki aðgerðir nema aðstaðan leyfi það. Þegar starfsemin er á staðnum eru læknar til staðar til að veita fyrstu aðstoð þegar slys og bráð veikindi koma upp. Þeir meta alvarleikann og geta undirbúið sjúklinga fyrir ferðalag á stærra sjúkrahús ef á þarf að halda. Þeir sinna líka langveikum sjúklingum í samvinnu við sérfræðinga stóru sjúkrahúsanna,“ segir Guðrún Bryndís.

Hún bendir á að fyrirhugaður niðurskurður á smærri sjúkrahúsum um samtals 3,5 milljarða króna, þar sem skerða eigi þjónustu við um 45% þjóðarinnar, jafngildi um 10% af rekstrarkostnaði Landspítalans. Meta þurfi hvort raunverulegur ávinningur náist með þessu.

Ekki landsbyggðarpólitík

Spurð hvernig eigi að ná markmiðum stjórnvalda um niðurskurð segir Guðrún Bryndís að byrja þurfi á verðkönnun og skoða hvaða þjónustu sé hægt að veita hvar. Horfa þurfi á heildarmyndina og taka tillit til ferðakostnaðar, aukinna útgjalda Sjúkratrygginga Íslands, öryggis sjúklinga og áhrifa á búsetuskilyrði. Einnig hvaða áhrif niðurskurðurinn getur haft á skipulag heilsugæslu og öldrunarþjónustu. „Þetta á ekki að snúast um landsbyggðarpólitík heldur heilbrigðiskerfið í heild sinni, að það sem vel er gert fái að halda sér. Í stað þess að einblína á niðurskurð ætti áherslan hjá stjórnvöldum að vera sú hvernig hægt er að veita þjónustu áfram. Við erum fámenn þjóð í stóru landi og uppbyggingin ætti að taka mið af því. Kópasker verður aldrei úthverfi í Reykjavík. Þetta eru samhangandi kerfi sem eiga að styrkja hvert annað og létta álagi hvert af öðru. Um það snýst málið,“ segir Guðrún Bryndís.////Maður heldur að flestir b vilji þetta og vel það ,en gott að Ólína sem þingmaður stjórnarflokks skulu sjá´þessu leið og fylgt henni eftir,engum er alsvarnað!! en þetta er leið sem við verum að skoða !! annað væri eyðilegging á heilbryggðiskerfinu öllu ,við getum ekki eyðilagt það  sem  búið er að byggja uppp í mörg ára og er það besta i heiminum að mínu álíti/Halli gamli

Telur hugmyndir varðandi heilbrigðiskerfið athyglisverðar