Hefja framleiðslu í vor/þetta góðar frettir í skammdeginu,ekki veitir af!!!!

Hefja framleiðslu í vor
Innlent | mbl.is | 6.12.2010 | 17:05
Íslenska hátæknifyrirtækið Carbon Recycling International og Íslenskir aðalverktaktar hafa undirritað samkomulag um byggingu eldsneytisverksmiðju við Svartsengi. Þar verður vistvænt eldsneyti framleitt úr koltvísýringsútblæstri, en verksmiðjan verður sú fyrsta sinnar tegundar í heiminum

Verksmiðjan notar raforku og koltvísýring úr gufu frá jarðvarmaverinu til að framleiða vistvænt eldsneyti fyrir bíla. Þessi framleiðslutækni var þróuð af CRI og er vernduð með einkaleyfi.

Áætlað er framleiðsla hefjist næsta vor.

Framleiðlusgeta verksmiðjunnar verður 5 milljónir lítra af endurnýjanlegu metanóli á ári þegar fullum afköstum hefur verið náð. Endurnýjanlegu metanóli er hægt að blanda í bensín eða lífdísil án þess að breyta þurfi bílvélum eða dreifingu eldsneytisins. Ætlunin er að setja eldsneytið fyrst á innlendan markað.

„Ég hlakka til að vinna með IAV að þessu verkefni.  IAV leggur fram mikla færni, þekkingu og áhuga á þessu verkefni ásamt reynslu og áherslu á verkgæði. Verksmiðjan er stórt skref fram á við. Hún mun auka loftgæði við Grindavík og fjölbreytni verkefna á svæðinu og framleiðslu innanlands,“ sagði  KC Tran, forstjóri Carbon Recycling International.

CRI er í eigu innlendra og erlendra fjárfesta, og hefur starfað frá árinu 2006./////loksins kom einhver góð frétt svona i skammdeginu ,ekki veitir okkur af ,þetta er gott að við skulum eiga von á að gera með þessu minkað innflutning á Bensíni og Olíu og spennandi ef vel gengur ,þetta er það sem við þurfum og gæti komið okkur i að gera meira af svona frameyðslu ,ekki spurning/Halli gamli

Hefja framleiðslu í vor