Enginn ógnvekjandi á Old Trafford/samt verður hart barist ekki spurning,veðja á mína menn samt!!!!

Enginn ógnvekjandi á Old Trafford
Íþróttir | mbl.is | 12.12.2010 | 8:22
Samir Nasri, franski sóknartengiliðurinn hjá Arsenal, segir að enginn leikmaður í Manchester United sé það góður að ástæða sé til að óttast hann sérstaklega. Sálfræðistríðið heldur því áfram fyrir slag liðanna á Old Trafford annað kvöld.

Patrice Evra sendi Arsenal tóninn fyrir helgi þegar hann sagði að liðið væri eins og fótboltaskóli sem gæti aldrei unnið neitt. Nasri svaraði fyrir sig í viðtali við Sunday Mirror í dag.

„Á árum áður var ógnvekjandi að fara á Old Trafford til að spila við Manchester United en þannig er það ekki lengur. United er langt frá því að vera sama lið og áður eftir að Ronaldo og Tévez fóru. Þetta  er áfram gott lið sem er erfitt að sigra en það vantar talsvert í sóknarleik þess," sagði Nasri.

Arsenal er á toppi deildarinnar með 32 stig, eins og Manchester City, en Manchester United er með 31 stig. Chelsea á möguleika á að komast í toppsætið í dag en liðið er með 30 stig og sækir Tottenham heim klukkan 16.////það er ekkert gaman af Guðspjöllunum þegar engin er i þeim bardaginn sagði kerlingin her um árið,eins er með þessa leiki á toppliðunum það verður hart barist ekki spurning,ég veðja á mina  menn!!! en þarna er komið mikil spenna mörg lið að sækja þarna á toppinn og það gaman,en spyrjum að leikslokum/Halli gamli

Enginn ógnvekjandi á Old Trafford

Athugasemdir

[þórarinn (IP-tala skráð) 12.12.2010 kl. 14:41]

Þetta er að mörgu leyti rétt hjá Nasri. Ég er Man Utd maður og hef verið það núna í hart nær 20 ár eða allt frá því ég bar Ryan Giggs augum fyrst kringum 91. Það hefur vantað bit í sóknarleikinn hjá mínum mönnum og það virðist vera að það taki Sir Alex smá tíma að finna rétta blöndu sérstaklega núna þar sem Valencia er meiddur en Park og Nani hafa verið að stíga upp að undanförnu og svo er Rooney að komast á ferðina. Hann hefur að vísu ekki skorað í gegnum spil síðan í mars en hann hefur verið sprækur og verið duglegur í þeim leikjum sem hann hefur verið í síðan hann kom aftur úr æfingabúðunum og það er því bara tímaspursmál hvenær hann setur hann. Vonandi verður þetta fjörugur leikur.