Tollstjóri herðir eftirlit með „gjöfum“/þetta er ekki það sem fólk vill nú um jól og stóhátiðir,tollurin hefur alllt öðru að sinna!!!

Tollstjóri herðir eftirlit með „gjöfum“
Innlent | mbl.is | 15.12.2010 | 10:19
Starfsmenn Tollstjóra ætla að auka eftirlit með póstsendingum sem sagðar eru innihalda gjafir. Hjá tollstjóra hafa menn orðið varir við að Íslendingar búsettir erlendis auglýsi á netsíðum að þeir taki að sér að annast innkaup fyrir fólk búsett hér á landi og að senda síðan varninginn hingað til lands sem gjafir.
 í frétt frá Tollstjóra segir að þeir sem þannig standi að málum tilgreini ranglega á sendingunum að um gjafir sé að ræða og látið sé líta svo út sem engar greiðslur eigi sér stað milli aðila.  Með þessu móti er reynt að komast hjá greiðslu lögboðinna aðflutningsgjalda.  

Í reglugerð um tollfríðindi kemur fram hvaða gjafir séu undanþegnar aðflutningsgjöldum.  Eru það eingöngu tækifærisgjafir sendar af sérstöku tilefni svo sem vegna jóla, afmælis eða fermingar og miðað við að verðmæti þeirra sé ekki meira en 10.000 kr. miðað við smásöluverð á innkaupsstað.  „Augljóst er að ofangreind þjónusta uppfyllir engan veginn þessi skilyrði enda má lesa út úr sumum auglýsingunum að þessi aðferð við innflutning varningsins sé valin beinlínis til þess að auka líkur á því að komist verði hjá greiðslu lögboðinna gjalda.  Auk þess sem þessi innflutningur fer í bága við nefnda reglugerð kann hann að varða refsingu samkvæmt 171 grein í tollalögum nr. 88,2005.  Þá kann athæfi þeirra sem senda varninginn hingað til lands einnig að vera andstæður lögum í útflutningslandinu, m.a. skattalögum vegna þeirra greiðslna sem þeir taka fyrir hverja sendingu.“

Af hálfu tollstjóra mun eftirlit verða aukið með póstsendingum sem sagðar eru innihalda gjafir.  Jafnframt mun samvinna við erlend tollyfirvöld verða aukin og þeim tilkynnt um þá aðila sem senda varning með þessum hætti til landsins/////það er brokstaflega ráðist á allt og alla,um jól á að leifa fólki að skiptast á jólagjöfum,ekki spurning ,þetta ofstæki er að gera okkur að 3 flokks þjóð eða verri að þeir þar hja´tollinum haf nóg að gera þó þessu sé ekki farmfylgt nem um öfga sé að ræða,en i þessu þjóðfélagi dag eru öllu verið að snúa a´haus bókstaflega,við erum löngu búin að fá nóg að þesskonar/Halli gamli

Tollstjóri herðir eftirlit með „gjöfum“

Athugasemdir

[Diddinn (IP-tala skráð) 15.12.2010 kl. 11:43]

Ekkert nýtt í þessu, síðan kreppan skall á og kommarnir tóku við völdum er tollurinn orðinn einhverskonar Stazi apparat, finnst mér allavega. Konan kemur erlendis frá og hefur verið búsett hérna í mörg ár og fengið reglulega sendingar frá heimalandinu, aldrei neitt mikið né merkilegt og alltaf komst pakkinn heim múðurslaust.

En í dag er öldin önnur og í hvert skipti sem jafnvel minnsti pakki kemur að utan, jafnvel með góðri greinargerð á innihaldinu ásamt reikningi til að sýna að verðmætið sé innan við 10.000, þá er undantekningarlaust sendingin stöðvuð og þetta leiðindabréf sent heim (þeir þekkja það sem hafa fengið sendingar relglulega).

Meira að segja þegar ég panta mér vöru af eBay og reikningurinn er í hólfi utan á pakkanum fæ ég bréf um að ég verði að senda "afrit af reikningnum" svo hægt sé að reikna út verðmæti vörunnar og viðeigandi gjöld.

Með fullri virðingu fyrir póstinum og tollurum, þá held ég að þetta sé afar illa gefið fólk sem starfar þarna og það gerir lítið annað en að gera manni lífið leitt þessa dagana.

[Diddinn (IP-tala skráð) 15.12.2010 kl. 11:48]

Eitt enn, ég leyfi mér að kalla starfsfólkið illa gefið af því að jafnvel þegar sendingin er öll kyrfilega merkt eBay eða Amazon og með reikninginn utanáhangandi, þá stendur í bréfinu sem er sent að "sendingin gæti verið frá t.d. eBay eða Amazon"

Er starfsfólkið ólesandi? Eða er þetta bara vegna skilaboða að ofan frá Steingrími Stazi um að nú skuli skoða innihald allra pakka?

[Valgeir (IP-tala skráð) 15.12.2010 kl. 12:47]

Diddi, sammála er ég þér um margt það sem þú skrifar. En að bendla þetta við Steingrím og stjórnina er soldið langt gengið. Sjálfur er ég þeirrar skoðunar að starfsmenn tollsins hagi sér oft í starfi eins og starfsmenn Stasi í denn ("Stazi" er rangt), en það hafa þeir gert mjög lengi, allavega sl. 22 ár.

Þessa stofnun þyrfti að leggja niður og byggja upp á nýtt með öðrum áheyrslum.

Vitleysan er auðvitað núna að 10.000 íslenskar krónur voru einhverntíman 130 Evrur, en eru núna bara 60 Evrur. Engin leiðrétting hefur orðið á hámarksupphæðum tollsins, og það er skandall út af fyrir sig.