Beinist að Steingrími/og hvað svo ,gerist eitthvað?????

Beinist að Steingrími
Innlent | mbl.is | 20.12.2010 | 10:20
„Gagnrýnin beinist að þeim sem ber ábyrgðina á fjárlögunum, fjármálaráðherranum sem leggur þau fram með stuðningi ríkisstjórnarinnar. Spjótin beinast því fyrst og fremst að formanni VG, Steingrími J. Sigfússyni,“ segir dr. Stefanía Óskarsdóttir stjórnmálafræðingur um átökin innan VG.

Eins og rakið er í Morgunblaðinu í dag lögðu sex af 15 þingmönnum Vinstri grænna á ráðin um hjásetu þriggja þingmanna við afgreiðslu fjárlaga, þ.e. þingmannanna Atla Gíslasonar, Ásmundar Daða Einarssonar og Lilju Mósesdóttur.

Stefanía segir átökin innan þingflokks Vinstri grænna eiga sér dýpri rætur.

„Hjáseta þingmannanna er birtingarmynd átaka sem hafa plagað þingflokk Vinstri grænna allt frá upphafi kjörtímabilsins. Enn sem komið er hefur þó enginn sagt sig úr þingflokknum né nokkur áberandi forystumaður sagt skilið við VG.“

„Bullandi valdabarátta“ innan VG

- Er Lilja á útleið?

„Það fer alveg eftir því hvernig hún metur styrk sinn. Hefði hún farið ein gegn forystunni hefði ég spáð því að hún yfirgæfi þingflokkinn í kjölfarið. En á daginn kom að tveir aðrir þingmenn fylgdu henni að málum og að aðrir nánir samstarfsmenn í þingflokknum voru vel upplýstir um a

Því er ljóst að Lilja er ekki einangruð í þingflokknum. Málið sýnir miklu fremur að það er bullandi valdabaráttu í gangi innan VG. Bæði Lilja og félagar hennar hafa fengið hvatningu um að fara gegn forystu flokksins sem sögð er hafa brotið stefnu flokksins í ríkisstjórnarsamstarfinu við Samfylkinguna.“

En mun þetta ganga svona áfram?

„Það hlýtur að draga til frekari tíðinda á næsta stórfundi hjá Vinstri grænum. Ef andstaðan innan VG hefur raunverulegan styrk hlýtur hún að vera farin að huga að breytingum á forystunni,“ segir Stefanía./////Efir þennan lestur er maður efins um þetta framhald þessarar ríkisstórnar og val það,en svo hefur þetta verið og það lengi en ekki ennþá komið vantraust,en það er í Dagblaðinu i dag að nokkrir alþingismanna Framsóknar komi til liðs við ríkisstjórnina allavega 3-4 og sagt að það sé í burðaliðnum ,hvað er satt i því er skoðandi og það er svo /Halli gamli

Beinist að Steingrími