Álögur þyngja stöðuna/Já ættli Jóhanna og Steingrímur hafi reiknað með því????

Álögur þyngja stöðuna
Innlent | mbl.is | 20.12.2010 | 16:15
Álögur á launafólk í nýsamþykktum fjárlögum og fjárhagsáætlunum sveitarfélaga þyngja mjög stöðuna við endurnýjun kjarasamninga, að mati Sigurðar Bessasonar, formanns Eflingar. Endanlegar launakröfur verða væntanlega ekki til fyrr en upp úr áramótum.

Samninganefnd Flóafélaganna svonefndu, þ.e. Eflingar-stéttarfélags, Hlífar og Verkalýðs- og sjómannafélags Keflavíkur og nágrennis, mun væntanlega eiga fyrsta samningafundinn með Samtökum atvinnulífsins á miðvikudaginn.

Sigurður segir að menn hafi beðið eftir afgreiðslu fjárlaga og viljað sjá línurnar í fjárhagsáætlunum sveitarfélaganna. „Þetta er allt að skýrast núna og fátt af því mjög gleðilegt,“ segir hann.

„Það er alveg ljóst að þetta mun þyngja stöðuna mjög mikið,“ segir hann um þær álögur sem felast í fjárlögum næsta árs og væntanlegri afgreiðslu fjárhagsáætlana sveitarfélaga.

„Það er verið að senda miklar álögur til fólks. Við erum ekki komin með heildarmat á það en þetta mun þyngja leiðina að því að finn lausnir sem við þurfum að ná í gegnum kjarasamningana ef við ætlum að endurreisa eitthvað í samfélaginu. Það er ljóst að launakröfurnar sjálfar verða væntanlega unnar um eða upp úr áramótunum. Við höfum lagt mikla áherslu á að menn búi til breiða samstöðu alls launafólks um úrlausnir og við uppsetningu kröfugerðar. Við þurfum sannarlega á því að halda að reisa kaupmáttinn við,“ segir hann.

Sigurður segir ekki síst mikilvægt að finna leiðir til að endurreisa atvinnulífið. „Í haust hefur þeim fjölgað sem misst hafa vinnuna. Við getum ekki búið við það til langframa að hér sé viðvarandi frá 7% og upp í 12% atvinnuleysi. Það er mismunandi eftir starfsgreinum en í okkar umhverfi eru 11-12% án atvinnu,“ segir Sigurður.////ætli þau hjúin Jóhanna og Steingrímur hafi gert ráð  fyrir þessu þegar allt þetta var lagt á landann sem hefur vinnu og jafnvel atvinulausa einnig,nei þau haf bara haldið að fólkið mundi þegja og ekki segja neitt?? það er svo með lægstu og mellaunin að engin lifir af þeim fyrir þessar aðgerðir hvað þá nú,svo þetta fer allt til fjandans hjá  þeim á þessu vetfangi ekki spurning um það,nú treysta menn á samtöðu þarna en ekki sundrungu ,ætli men séu ekki bunir að fá nóg af þessari vinstri stjórn/Halli gamli

Álögur þyngja stöðuna