Tunglmyrkvinn trekkir að/ Gat ekki verið betra veður til þessa !!!!

Tunglmyrkvinn trekkir að
Innlent | mbl.is | 21.12.2010 | 9:11
Fjöldi fólks lagði leið sína að húsi Ríkisútvarpsins í morgun en þar bauð Stjörnuskoðunarfélag Seltjarnarness fólki að fylgjast með tunglmyrkvanum í gegnum stjörnukíki. Almyrkvinn hófst kl. 07.40 og stóð yfir til kl. 08.54. Hann sást mjög vel á höfuðborgarsvæðinu enda aðstæður með besta móti.

Fyrirbærið er útskýrt á Stjörnufræðivefnum.

„Tunglmyrkvar geta aðeins orðið þegar sólin, jörðin og tunglið liggja hér um bil í beinni línu. Tunglmyrkvar verða því aðeins þegar tungl er fullt og fer inn í skugga jarðar. Þrátt fyrir þetta verða tunglmyrkvar þó ekki mánaðarlega því brautarplan tunglsins og brautarplan jarðar eru ósamsíða. Tunglbrautin hallar um 5° frá braut jarðar og vegna hallans fellur skuggi jarðar yfirleitt undir eða yfir tunglið.

Skuggi jarðar er tvískiptur og því eru til þrjár gerðir af tunglmyrkvum: Almyrkvar, deildarmyrkvar og hálfskuggamyrkvar. Gerð myrkvans hverju sinni fer eftir því hvernig tunglið færist inn í skugga jarðar. Alskugginn er dimmasti hluti jarðskuggans og þar sést sólin alls ekki. Hálfskugginn er hins vegar ekki eins dimmur en innan hans sést hluti sólar.

Tunglmyrkvar sjást frá allri næturhlið jarðar, ólíkt sólmyrkvum sem sjást aðeins frá takmörkuðu svæði á jörðinni. Í þetta sinn sést myrkvinn best frá Norður-Ameríku en líka vel frá Íslandi þótt tunglið sé tiltölulega lágt á lofti á morgunhimninum í vestri. Seinast sást almyrkvi frá Íslandi aðfaranótt 21. febrúar 2008.“/////þetta er undur að sjá ekki síst fyrir það sem ekki hafa óður séð,þetta fyrirbrygði og það er von að fólk fái áhuga að síst með þeim sem þarna hafa a´huga af himingeimnum/öll lærum við um þetta eitthvað en sumir hafa meiri a´huga en aðrir og þeir skoða þetta vel,enda veður sem ekki gat verið betra/Halli gamli

Tunglmyrkvinn trekkir að