Wenger: Verðum að stöðva Drogba/það segjum við einnig stuðningsmenn liðsins !!!!!

Wenger: Verðum að stöðva Drogba
Íþróttir | mbl.is | 27.12.2010 | 14:46
Eins og aðrir hjá Arsenal er Arsene Wenger knattspyrnustjóri smeykur við Didier Drogba fyrir viðureignina gegn Chelsea í kvöld og segir að það verði lykilatriði fyrir sína menn að hafa hemil á þessum öfluga sóknarmanni.

Drogba hefur gert það gott fyrir Chelsea í leikjum við Arsenal undanfarin ár og skorað 13 mörk í 13 viðureignum félaganna. Hann hefur aldrei tapað leik gegn Arsenal.

„Hann er maðurinn sem þarf að halda í skefjum. Ef við lítum á tölfræðina fer ekki á milli mála að varnarleikurinn gegn Drogba er eitt af því mikilvægasta, jafnvel það allra mikilvægasta í þessum leik. Það skiptir líka miklu máli að stöðva Frank Lampard því samvinna þeirra er geysilega góð. Hann nær alltaf að senda boltann á Drogba og það þarf að stöðva," sagði Wenger við BBC.

„Drogba er maður stóru leikjanna og er okkur alltaf sérlega erfiður. Um daginn var Chelsea í vandræðum gegn Tottenham og hver kom þá og bjargaði þeim - enginn annar en Drogba," sagði Wenger og kvaðst jafnframt undrandi á slæmu gengi Chelsea í síðustu leikjum.

„Það er með ólíkindum að þeir skulu vera búnir að tapa fimm leikjum í vetur, sérstaklega þrisvar heima gegn liðum sem ekki eru í toppbaráttunni," sagði Wenger./////við bíð'um öll spennt eftir þessu leik bæði stuðningsmenn Chelsea og Arsenal og við Arsenal aðdáendur ekki siður ,það er svo að þessi lið eru bæði mjög góð og við sem erum unnendur Arsenal finnst tími til komin að við vinnum þennan leik,en við spyrjum bar að leiklokum/áfram Arsenal/Halli gamli

Wenger: Verðum að stöðva Drogba

Athugasemdir

[Ásdís Sigurðardóttir, 27.12.2010 kl. 19:40]