Veðurofsi á vesturströndinni/það á ekki af Bandaríkjamönnum að ganga þessi Jól og áramót !!!!

Veðurofsi á vesturströndinni
Erlent | mbl.is | 30.12.2010 | 16:20
Á sama tíma og íbúar austurstrandar Bandaríkjanna reyna að koma samgöngum í samt lag eftir fellibylinn í kjölfar jólahátíðarinnar glíma íbúar vesturstrandarinnar við mikið hvassviðri og ofankomu. Hratt hefur kólnað í sambandsríkinu vegns kalds loftsmassa frá Alaskaflóa.

Mikill snjór hefur fallið í Washingtonríki og rafmagn farið af á ýmsum stöðum af þeim sökum.

Vindstyrkurinn náði allt að 145 km á klukkustund, eða rúmlega 40 metrum á sekúndu, í sunnanverðri Kaliforníu í gær. Vindhviðurnar rifu upp tré með rótum og lokuðu trjábolir nokkrum götum, að því er fram kemur á vef Los Angeles Times.

Snjólínan, lágmarkshæðin yfir sjávarmáli þar sem snjór getur fallið, er nú 610 metrar í Kaliforníu, en það þykir með minna móti. Varað er við hálku á fjölförnum vegum, eftir að hitastigið féll.

Á vef bandarísku sjónvarpsstöðvarinnar CNN er haft eftir veðurfræðingum að úrkoma í desember muni slá öll met í Kaliforníu.

Skýringin sé fjöldi lægða sem eigi upptök sín undan ströndum sambandsríkisins í Kyrrahafi.

Þá hafi bærinn Highland í San Bernardino-sýslu farið á kaf í vatnselg sem fylgdi skýfallinu, líkt og fleiri bæir í nágrenninu.///þetta eru válegar fréttir fyrir vini okkar Bandaríkjamanna,að þurfa að þola þetta veður,sumir mundu segja það er bara gott á þá,en það er fólk sem ekki þekkir þarna til og hefur ekki kynnst landi og þjóð ,það hefur einnig verið kuldar í Evrópu og á norðurlöndum,en þeir eru vanir því ,en kannski ekki svona mikið/en þarna a´vesturströnd USA er ekki vanin að svona kuldar gangi alls ekki/Halli gamli

 

Veðurofsi á vesturströndinni

Athugasemdir

[Arnór Baldvinsson, 30.12.2010 kl. 20:03]

Sæll Haraldur,

Ég bý hérna á vesturströndinni, í Port Angeles í Washington fylki, og hef ekki orðið var við neitt óvenjulegt;)  Hér er rjómablíða núna, glampandi sól en svalt, eitthvað rétt ofan við frostmarkið. 

Kveðja,

[Haraldur Haraldsson, 30.12.2010 kl. 21:53]

Þakka innlitið Arnór///,ertu að segja með þessu að þessar fréttir sem maður sér í sjónvarpi og annarstaðar séu bara blöff,á Íslandi ein og þú veist getur þetta munað nokkrum kílómetrum þar sem er vitlaust veður en nærri logn annarstað stutt frá /Kveðja Halli gamli