Óttast að 200 séu fastir/Jarskjalfti á Nyja-Sjálandi í nótt !!!

Óttast að 200 séu fastir
Erlent | AFP | 22.2.2011 | 7:51
Óttast er að allt að 200 manns séu fastir í rústum húsa, sem hrundu í jarðskjálftanum í Christchurch, næststærstu borg Nýja-Sjálands, í nótt. Að minnsta kosti 65 manns létu líifð í skjálftanum.

Bob Parker, borgarstjóri Christchurch, segir líklegt að 150 til 200 manns hafi grafist undir rústum húsa. Um 350 þúsund manns búa í borginni. 

Skjálftinn reið yfir klukkan 12:51 að nýsjálenskum tíma. Þá voru margir á gangi á götum borgarinnar í hádegishléi. John Key, forsætisráðherra Nýja-Sjálands, sagði að þetta hefði verið mikið áfall og margir borgarbúar sætu yfirbugaðir á vegarbrúnum. Mikið tjón varð á húsum í miðborginni. Turninn hrundi meðal annars af dómkirkjunni og sex hæða bygging þar sem sjónvarpsstöð var til húsa, er rústir einar.  

 

• 

  Óttaslegnir íbúar í Christchurch. Reuters

 

Fólki var bjargað með þyrlum af húsþökum og notaðir eru kranar til að fjarlægja hrunda húsveggi svo komast megi að fólki sem þar er grafið undir. 

Skjálftinn í morgun átti upptök sín um 5 km frá borginni á um 4 km dýpi. Tveir öflugir eftirskjálftar, 5,6 stig og 5,5 stig, riðu yfir um 2 stundum síðar. Búast má við fleiri eftirskjálftum.  

Í september varð jarðskjálfti sem mældist 7,1 stig nálægt borginni. Upptökin voru hins vegar um 40 km vestur af borginni og  og á meira dýpi. Talsverðar skemmdir urðu þá á mannvirkjum í miðborg Christchurch en engan sakaði.  

Að sögn sjónvarpsstöðva fundust lík í rústum farfuglaheimilis og bókaverslunar. Þá hafi ferðamaður látið lífið. Rafmagn fór víða af í borginni, farsímakerfi virkuðu ekki og miklar truflanir urðu á samgöngum en stórar rifur mynduðust víða á vegum./////þetta rosalegt að þetta skuli ske ,ekki neitt smá jarðskjálfti og það alvarelgt mjög og margir undir  rústum og einhverjir látnir allavega 65 er sagt ,þetta verður betur i fréttum i dag/Halli gamli

Óttast að 200 séu fastir