Fær sama verkefni og þingið/ látum við Íslendingar bjóða okkur svona aðfarir að lýðræðinu!!!

Fær sama verkefni og þingið
Innlent | mbl.is | 24.2.2011 | 18:05
Verkefni stjórnlagaráðs verður sambærilegt því verkefni sem stjórnlagaþingi var ætlað að sinna og jafnframt er gert ráð fyrir að starfsaðstæður og starfskjör stjórnlagaráðsfulltrúa verði sambærileg.

Þetta kemur fram í fréttatilkynningu um niðurstöðu starfshóps sem falið var að koma með tillögur um viðbrögð við dómi Hæstaréttar.  Að álitinu standa fulltrúar Samfylkingarinnar, Vinstrihreyfingarinnar – græns framboðs, Framsóknarflokksins og Hreyfingarinnar. Fulltrúi Sjálfstæðisflokksins í samráðshópnum skilar séráliti.

Í kjölfar þess að Hæstiréttur ákvað að ógilda kosningu til stjórnlagaþings sem fram fór 27. nóvember sl. skipaði forsætisráðherra, að höfðu samráði við formenn þeirra stjórnmálaflokka sem sæti eiga á Alþingi, samráðshóp um viðbrögð við ákvörðun Hæstaréttar. Var hópnum falið að greina þá stöðu sem upp var komin og meta hvaða leið væri vænlegust til þess að ljúka því verkefni að endurskoða stjórnarskrána. Starfshópurinn var skipaður einum fulltrúa frá hverjum þingflokki auk formanns sem skipaður var af forsætisráðherra án tilnefningar. Starfshópurinn skilaði af sér í dag til forsætisráðherra.

„Eftir að hafa vegið og metið kosti ólíkra leiða var það niðurstaða meirihluta samráðshópsins að vænlegast sé með hliðsjón af öllum aðstæðum að Alþingi komi með ákveðnari hætti inn í endurskoðunarferlið þegar á þessu stigi með skipun ráðgefandi stjórnlagaráðs með þingsályktun og leysi þannig þann hnút sem endurskoðunarferlið sem breið sátt náðist um á Alþingi með samþykkt laga um stjórnlagaþing er komið í. Við skipun í ráðið er rétt að þeim sem hlutu mestan stuðning í kosningum þann 27. nóvember 2010 til stjórnlagaþings, sem síðar var ógilt með ákvörðun Hæstaréttar 25. janúar 2011, verði boðið að taka sæti í ráðinu sem fái það verkefni að taka við og fjalla um skýrslu stjórnlaganefndar og gera tillögur um breytingar á stjórnarskrá lýðveldisins Íslands nr. 33/1944. Með þessu nýtist jafnframt sá undirbúningur allur sem lagt hefur verið í og tafir á endurskoðunarferlinu verða litlar sem engar. Þannig verði þeim sem hlutu kosningu 27. nóvember 2010, sem síðar var ógilt, falið ráðgefandi hlutverk gagnvart Alþingi.

Það er mat meirihluta samráðshópsins að með þessu sé niðurstaða og ákvörðun Hæstaréttar ekki með nokkrum hætti véfengd enda sé það fyrst og fremst skylda Alþingis og stjórnvalda að virða niðurstöðu Hæstaréttar með því að gæta þess í framtíðinni að þeir annmarkar sem upp komu við framkvæmd kosninganna 27. nóvember sl. endurtaki sig ekki við framkvæmd kosninga í framtíðinni. Ákvörðun um að leggja til þessa leið er byggð á því mati að þótt umboð þeirra sem hlutu kosningu til setu á stjórnlagaþingi sé ekki lengur fyrir hendi verði ekki dregið í efa að þeir njóti ákveðins trausts kjósenda til að taka þátt í því verkefni að endurskoða stjórnarskrána. Ekkert bendir til að misferli hafi átt sér stað við kosninguna né að annmarkarnir á framkvæmdinni hafi haft áhrif á niðurstöðu hennar, enda þótt þeir hafi verið verulegir að áliti Hæstaréttar.

Tillaga meirihluta samráðshópsins felur í sér að samhliða framlagningu þingsályktunar um skipun stjórnlagaráðs verði lagt fram frumvarp um brottfall laga um stjórnlagaþing. Verkefni stjórnlagaráðs verður eftir sem áður sambærilegt því verkefni sem stjórnlagaþingi var ætlað að sinna og jafnframt er gert ráð fyrir að starfsaðstæður og starfskjör stjórnlagaráðsfulltrúa verði sambærileg, “ segir í tilkynningu frá starfshópnum./////Já lengi skal manninn reyna þetta síðasta útspil þessa ríkissjórnar er það sem men óttast mest a' kljúfa allt i herðar niður og sundra ein og hægt öllum hlutum ekki samkomulag um neitt,allt sett i uppnám,hver hefði trúað þessu að við Íslendingar létum fara vona með okkur,við erum hafðir að fiflum dag eftir dag og engin fótur fyrir því,þetta þarf ekki að ver svona als ekki það liggur ekkert á með þetta allt sem er undir!!! ESB er malið að sja´allir leynt og ljóst þar skulum við inn og öllum brögðum beitt !!!Bloggara segja þetta allt að kenna sjálfstæðisflokk ,það er ekki lengur gilt!!!tala um Hæðsatarétt sem sjalfstæiðsrétt og svo framvegis,þetta er bar að förað lýðræðinu og ekkert annað ,þessu ríkisstjórn á að fara frá!!!!

Fær sama verkefni og þingið