Hríðarbyl spáð//það er spáð vestan vindi og éljum,og slæmu skyggni,svo sunnan15-20 m/s og riggningu á morgun!!

Hríðarbyl spáð
Innlent | mbl.is | 13.3.2011 | 18:43
Spáð er hríðarbyl í kvöld, vaxandi vindi og slæmu skyggni á fjallvegum eins og Holtavörðuheiði, Bröttubrekku, Steingrímsfjarðarheiði, Þröskuldum. Eins á fjallvegunum á sunnanverðum Vestfjörðum og á Snæfellsnesi að sögn Vegagerðarinnar.

Þá fer veður og skyggni versnandi á Hellisheiði og í Þrengslum með kvöldinu sem og vestantil á Norðurlandi.

Útlit er fyrir mjög hvassa sunnan- og suðvestanátt. Geti vindhviður farið yfir 30 metra á sekúndu á norðanverðu Snæfellsnesi frá því um kl. 20 til 21 í kvöld og 40-55 metrum á sekúndu frá því um
miðnætti.

Snemma í fyrramálið má reikna með varasömum hnútum út með Eyjafirði, frá Akureyri og út undir Dalvík. Það nær að hlána á landinu og þar sem snjór er fyrir á vegum, verður flughált og þá er rétt að hafa í huga þann storm sem nú er spáð.

Á Suðurlandi eru hálkublettir á Sandskeiði en hálka á Hellisheiði og í Þrengslum, hálkublettir og snjóþekja mjög víða á Suðurlandi.

Á Vesturlandi er hálka, hálkublettir og snjóþekja á flestum leiðum. Hálka, éljagagnur og skafrenningur er á Fróðárheiði og á Vatnaleið. Snjóþekja, éljagangur og stórhríð á Holtavörðuheiði.

Á Vestfjörðum er snjóþekja, hálka og mikill éljagangur.

Á Norðurlandi er hálka,hálkublettir eða snjóþekja.

Á Austurlandi eru hálkublettir eða snjóþekja á nokkrum leiðum. Vegir eru greiðfærir frá Reyðarfirði og með ströndin vestur að Hvalsvöllum.

Á Suðausturlandi greiðfært.//////þetta er spáin og gengur sennilega eftir og élja ,og hvessir vestan og svo á morgun sunnan 15-23 m/s og rigning það getur orðið viða hált og ýlt fyrir gangandi og hált fyrir bifreiðar viða og að berað fara verlega mjög,við erum öllu vön en þetta ber að taka alverlega/Halli gamli

Hríðarbyl spáð