Óvissa og misvísandi fréttir/það er von að það sé panik þarna ,hver skilur það ekki??

Óvissa og misvísandi fréttir
Innlent | mbl | 15.3.2011 | 10:58
„Mér leist ekki á blikuna vegna þess að fyrir tveimur dögum var maturinn farinn að hverfa úr hillunum í búðunum þar sem ég bý og alltaf að berast óhugnanlegar fréttir frá þessu kjarnorkuveri, en fréttirnar eru mjög misvísandi," segir Árni Björn Árnason, skiptinemi í Japan.

Árni ákvað að fara burt frá Tókýó um tíma til að hafa vaðið fyrir neðan sig og er nú staddur á Okinawa, sem er syðsta eyjan sem tilheyrir Japan. Hann segir mikla óvissu ríkja um hversu alvarlegt ástandið sé en engu að síður haldi fólk ró sinni. „Orðið á götunni var að það væri ekki endilega allt að koma fram sem væri raunverulega að gerast og jafnvel að þeir viti það ekki sjálfir sem eru við stjórnina. Það sem mér fannst óþægilegast í gær var að þá strax var rosalega erfitt að komast út á flugvöll. Lestarsamgöngur liggja niðri að hluta þannig að ég þurfti í staðinn að taka marga strætóa og það tók fjórum sinni lengri tíma en venjulega að komast út á flugvöll."

Árni segist vita af fleiri íslenskum skiptinemum í Tókýó og sumir þeirra ætli einnig að færa sig um set suður á bóginn þar til ástandið skýrist, en einhverjir ætli að halda kyrru fyrir í höfuðborginni. „Geislavirknin mælist núna tuttugufalt meiri í Tókýó en eðlilegt er samkvæmt japanska ríkisútvarpinu. En það er líka tekið fram að það er samt langt frá því að vera skaðlegt, en þegar maður heyrir þetta þá finnst manni það ekkert þægileg tilhugsun."

 

• 

  Frá japanska eyjaklasanum Okinawa þar sem Árni Björn dvelst nú. Reuters

 

Eins og gefur að skilja hafa hamfarirnar djúpstæð áhrif á japanskt samfélag. Árni hefur verið í Japan síðan haustið 2010 en segist nú upplifa mjög sérstaka stemningu hjá þjóðinni. „Það er eins og það hafi kviknað einhver gömul taug hjá þjóðinni og það er greinilega eitthvað í loftinu, næstum eins og maður sé að bíða eftir loftárás en samt er fólk ótrúlega rólegt. Þau taka þessu með miklu jafnaðargeði, en það er eins og það sé búið að vekja eitthvað upp, ég veit ekki hvort það eru minningar frá seinni heimsstyrjöldinni eða hvað en það er mikil samstilling meðal fólksins."

Sem dæmi nefnir Árni að á flugvellinum í Tókýó í gær hafi verið þúsundir manna, ys og þys og læti, þangað til skyndilega hófst útsending á ávarpi forsætisráðherra. „Þá bara fraus öll flugstöðin og enginn hreyfði sig eða talaði á meðan hann var að tala. Þá sá maður að þetta er það sem allir eru að hugsa um." Greinilegt sé að hamfarirnar þjappi Japönum saman. „Ég get ekki sagt annað. Ég er núna hérna á Okinawa, þúsund kílómetrum frá meginlandinu og hér er fullt af fólki úti á götu að safna til styrktar leitarhópum. Þannig að samstaðan er mikil."////það er meira en að segja að halda ró sinni við svona aðstæður ,ekki spurning um það en þetta fólk þjappar sér saman þegar þessi mikla vá gengur yfir og ekki séð fyrir endann á!! en það er vonandi að þetta með kjarnorkuna komist ekki lengra og það hætti að leka út geislavirk efni sem hefur gert ,og engin veit i raun hvap mikið mælingar segja það um hættumörk og vel það,en hvað sem skaður er hugur allra með þessu fólki öllu og vonum það besta  ekkert annað sem við getum gert,jú safnað pening fyrir það sem er mikil þörf fyrir/Halli gamli

Óvissa og misvísandi fréttir