Línurnar enn óskýrar/nú með hvað er ekki buið að kjósa þetta ,með minnihluta Alþingismanna!!!

Línurnar enn óskýrar
Innlent | mbl.is | 26.3.2011 | 15:00
Meirihluti þeirra sem boðið hefur verið að taka sæti í stjórnlagaráði hittist á fundi nú um hádegið og fór yfir stöðu mála. Línur eru enn óskýrar varðandi það hvort þeir ætli sér allir að taka sæti í ráðinu, en frestur til þess að svara boðinu rennur út á þriðjudagskvöld.

Ómar Ragnarsson segir hvern og einn þurfa að taka ákvörðun með sínu nefi. Hann gefi sjálfur ekki upp um ákvörðun sína fyrr en hann hafi staðið formlega skil á svari til stjórnvalda. Á fundinum hafi verið farið vítt og breitt yfir sviðið og allar hliðar málsins ræddar.

Á fundinum voru 16 þeirra 25 sem boðið var að taka sæti, en tveir tóku þátt í gegnum síma. Sex forfölluðust og einn, Inga Lind Karlsdóttir, hefur þegar lýst því yfir að hún hyggist ekki taka sæti í stjórnlagaráði.

Pawel Bartoszek segist ekki ánægður með fyrirhugaða skipan mála.  „Þetta er náttúrulega engin draumalausn hjá mér, og raunar nokkuð sem ég hef verið afskaplega skeptískur á að yrði gert með þessum hætti,“ segir hann.  „Hins vegar er það þannig að þetta er, að ég hygg, sú leið sem flestir í þessum hóp vildu helst fara. Í ljósi þess finnst mér líklegt að af þessu verði.“

Hópurinn sem hittist nú hefur ekki mótað sér sameiginlega stefnu eða skoðun á málinu. Spurður að því hvernig hann meti stemninguna segist Pawel ekki skynja það að mikill meðbyr yrði með þeirri afstöðu að sú leið sem nú á að fara sé ekki boðleg.

„Ef ég hefði persónulega skynjað það pólitískt að það væri að slík stemning myndi nást myndi ég fagna því. En mér fannst ég aldrei nokkurn tímann upplifa það. Þetta er sú leið sem mér fannst að flestir hefðu viljað fara,“ segir Pawel. Hann telur að brottfall úr hópi þeirra sem náðu kjöri í kosningunum í nóvember á síðasta ári yrði mun meira yrði ákveðið að kjósa á ný.

Guðmundur Gunnarsson segist óviss um það hvort hann taki sæti í stjórnlagaráði. „Ég er ekki búinn að svara. Ég er töluvert tvístígandi, því ég er í þannig stöðu að ég get ekki losnað úr vinnu í apríl. Það er útséð með það að ég verð bundinn í vinnu allan mánuðinn. Ég gæti eitthvað sinnt þessu þá, en það væri ekki mikið.“///////það er svo að það er búið að kjós þetta stjórnlagaþing og það ógilt og svo bara breytt i stjórnlagaráð,og kosið af Alþingi með minnihluta álþingismanna eð 30 svo þetta er komið á koppinn svo eru svona skiptar skoðanir hjá þessum fólki hvort það tekur og sumt vill ekki fara nema að það verði ekki ráðgefandi heldur þjóðaratkvæðagreiðsla um það  áður en´Alþingi fær það til meðferðar!!! þetta er svona að þessir men sem þarna voru kosnir eru bara svona og byrja á að taka yfir vald alþingis,svo byrjun er ekki góð og er bar hreint út sagt vond,ein og reyndar mitt áliti og fleiri á þessu bruðli að setja þessa nefnd á sem er algjör óþarfi að gjöra ,en þetta er staðreynd og við skulum bara láta þá vinna fyrir kaupinu sínu og koma með tillögur sem verður unnið úr á hinu háa Alþingi ef má segja svo,það er ekkert annað i stöðunni það verður hvort eða er að kjós um stjórnaskrána í kosningum næst,ekki geymana þar áfram!!!,svo  og nýjan meirihluta á Alþingi okkar/Halli gamli

Línurnar enn óskýrar