Hörð skrif gegn borgarstjóra/Er hann en í hlutverki Georgs Bjarnfreðssonar ?????

Hörð skrif gegn borgarstjóra
Innlent | mbl.is | 5.4.2011 | 18:43
Jón Gnarr, borgarstjóri, sagði í umræðum á fundi borgarstjórnar í dag, að hann hefði alist upp við það að Morgunblaðið væri málgagn Sjálfstæðisflokksins eins og Þjóðviljinn hefði verið málgagn vinstri manna. Bæði blöðin hefðu verið keypt heima hjá honum.

Jón sagði fyrr í umræðunni, að í vinnuferlinu varðandi tillögur um sameiningu grunnskóla og leikskóla hafi verið unnin ákveðin pólitísk skemmdarverk og pólitísk öfl hefðu nýtt sér skipulagshæfileika sína og fjölmiðlatengsl til að ala á tortryggni og sá ótta. Borgarfulltrúar minnihlutans gagnrýndu Jón harðlega fyrir þessi ummæli og sögðu að harðasta gagnrýnin á tillögurnar hefði komið frá fulltrúum skóla og foreldra.

Jón sagði einnig í umræðunni að hann væri maður til að tala fyrir sig sjálfur og þurfi ekki að tala í gegnum Davíð Oddsson og Agnesi Bragadóttur. Í síðari ræðu sinni sagði Jón, að Morgunblaðið hefði að undanförnu haldið uppi mjög hörðum skrifum og persónulegum svívirðingum um hann og þar hefði Agnes Bragadóttir, blaðamaður, farið fremst í flokki.

„Hvað eru þau skrif annað en ofbeldi og dónaskapur?" sagði Jón. Spurði hann hvers vegna hann ætti að vera annarrar skoðunar en þeirrar, að þessi skrif tengdust, beint eða óbeint, Sjálfstæðisflokknum.

Hanna Birna Kristjánsdóttir, forseti borgarstjórnar, bað borgarstjóra að gæta orða sinna og sagði að samkvæmt samþykktum borgarstjórnar mætti ekki saka fólk um ofbeldi og annað, sem ekki hefur tækifæri til að svara fyrir sig.

„Lestu umsagnir foreldra, frekar en Morgunblaðið," sagði Þorbjörg Helga Vigfúsdóttir, borgarfulltrúi Sjálfstæðisflokksins. „Hættu að lesa Morgunblaðið og láttu það ekki trufla þig þótt einhver sé að pota í þig eða teikna einhverjar myndir."

Sóley Tómasdóttir, borgarfulltrúi Vinstri grænna, gagnrýndi Jón harðlega eftir fyrri ræðu hans og sagði hana hafa verið einkar óviðeigandi og það færi borgarstjóra, sem talaði um ofbeldi og skítkast illa að tala um skotgrafir. Þá færi það borgarstjóra, sem héldi úti eigin sjónvarpsþætti, illa að tala um misnotkun borgarfulltrúa á fjölmiðlum.

Jón sagði í síðari ræðu sinni að Sóley hefði með þessum ummælum verið að verja Morgunblaðið en því mótmælti Sóley harðlega.////maður geturekki annað en ymunda' sér að hann sé ennþá i hlutverki Georgs Bjarnfreðssonar ,það er ekkert annað að sjá ,kallin er að pissa bara út að mans mati að ráðast á Mogga sem hefur skoðanir og fréttamen einnig segja bara fréttir og hafa á þeim skoðaðir sem  von er ,þetta er maður sem kallar sig Borgarstjóra okkur allra sem höfum misjafnar skoðanir ekki spurning en ekki bara vinstri að hægri,en svo maður tali nú í einlægni getur vel verið að við séum eitthvað skrítinn en hann ekki ,en það er mælikvarði að koma þarna þetta fylgi þeirra hrapar og það gott,!!! en að verða að þola þetta í  2,5 ár ennþá er ekki hægt!!eitthvað verður að ske ,bara hvernig og hvar????/Halli gamli

Hörð skrif gegn borgarstjóra