Sigmundur sterkari, veik staða Bjarna/það er ekki víst ,það er skoðunarfrelsi í okkar flokki!!!!!

Sigmundur sterkari, veik staða Bjarna
Innlent | mbl.is | 10.4.2011 | 0:33
Niðurstaða Icesave þjóðaratkvæðagreiðslunnar styrkja stöðu Sigmundar Davíðs Gunnlaugssonar í formannsstóli Framsóknarflokksins. Að sama skapi veikja þær stöðu Bjarna Benediktssonar innan Sjálfstæðisflokksins. Átakatímar eru framundan innan ríkisstjórnarinnar. Þetta segir Stefanía Óskarsdóttir stjórnmálafræðingur.
„Auðvitað er þetta mikið áfall fyrir ríkisstjórnina. Frá því að hún tók við, hafa þau haldið því fram að þetta væri algert lykilmál sem þyrfti að leysa. Stjórnin hefur tvisvar sinnum lagt fram lausn á málinu og þjóðin hefur hafnað þeim báðum,“ sagði Stefanía í samtali við mbl.is rétt eftir miðnætti, þegar fyrstu tölur höfðu borist úr öllum kjördæmum landsins.

„Líklega mun ríkisstjórnin sitja sem fastast með sinn tveggja manna meirihluta. En það eru átakatímar framundan innan stjórnarinnar. Icesave málið er samtengt inngöngu okkar í ESB og nú erum við að fara lengra inn í samningaferlið við ESB og það er viðbúið að ýmislegt valdi þar titringi, “sagði Stefanía.

Hún segir að hafa beri í huga að samstarfið við Alþjóðagjaldeyrissjóðinn grundvallist meðal annars á því að Icesave deilan verði leyst. „Það verður afskaplega erfitt fyrir ríkisstjórnina að halda haus í þeim samskiptum.“

Stefanía segir að framundan séu miklir umbrotatímar. „Nú kemur í ljós hvort þinglið Vinstri grænna sé staðfast og hugsanlega gæti farið að bresta á flótti innan Samfylkingarinnar. Þegar á brattann er að sækja í stjórnmálum, þá fer oft hver höndin upp á móti hvorri annarri og þetta bætist bara ofan á allan ESB-ágreininginn.“

„Það er afar ólíklegt að stjórnin geti haldið út kjörtímabilið, þetta er spurning um vikur eða mánuði.“

En hvaða áhrif gæti niðurstaðan haft á Sjálfstæðisflokkinn? „Það er ekki gott að segja það, en skoðanakannanir hafa sýnt að meirihluti flokksmanna hefur ekki sömu afstöðu til Icesave og formaðurinn. Það er óhætt að segja að niðurstaðan hefur ekki styrkt stöðu hans og hann á andstæðinga, sem eiga eftir að sækja að honum. En staða Sigmundar Davíðs Gunnlaugssonar, formanns Framsóknarflokksins, hefur aftur á móti styrkst heilmikið við þessa niðurstöðu. “ //////ekki alveg sammál Stefaníu þarna .að er einnig gott að hafa skoðanir sem eru ekki allar ein og þetta  varð ofaná og það er það besta að okkur mati meirihlutans en Bjarni tók þessa afstæði og 16 aðrir Alþingismenn sjálfstæðisflokks og þeir urðu undir en studdu þjóðaratkvæði og það i liggur munur, og þjóðin hefur kosið og sennilega á móti lögunum  eða það næsta staðfest,og þar við stendur og við föngum sem vildum þetta og við flest segjum að Bjarni Ben.Formaður standi ekkert ver eftir,og mun skipta um skoðun ekki spurning/Halli gamli

Sigmundur sterkari, veik staða Bjarna

Athugasemdir

[Sindri Karl Sigurðsson, 10.4.2011 kl. 01:05]

Að sjálfsögðu stendur hann veikari eftir! Annað væri það nú. Það er samt ekki sjálfgefið að sjálfstæðismenn hafni honum. Fyrr má nú rota en dauðrota.

[Skúli (IP-tala skráð) 10.4.2011 kl. 02:31]

Ekki alveg rétt hjá þér, Sjálfstæðismenn eru samtals 16 á Alþingi og 11 held ég af þeim studdu Icesave.

[Vilhjálmur Stefánsson, 10.4.2011 kl. 10:12]

Hanna Birna næsti Formaður Sjálfstæðismanna.

[Sindri Karl Sigurðsson, 10.4.2011 kl. 12:34]

Ef hún býður sig fram á móti Bjarna þá þarf að taka afstöðu og það er hið besta mál. Menn eiga ekki Sjálfstæðisflokkinn með hurðum og körmum.