Fabregas: Væri búið að reka Wenger á Spáni/þarna er maður ekki sammála honum blessuðum!!!

Fabregas: Væri búið að reka Wenger á Spáni
Íþróttir | mbl.is | 20.4.2011 | 8:58
Cesc Fabregas, fyrirliði Arsenal, segir að ef Arsene Wenger væri við stjórnvölinn hjá einhverju af toppliðunum í spænsku knattspyrnunni væri löngu búið að segja honum upp störfum.

„Strax árið 2007 sagði ég að við ynnum ekki titla en spiluðum vel. Okkar vandamál er að liðið þarf að vinna titil, og þessvegna var svo mikilvægt að vinna deildabikarinn í vetur," sagði Fabregas í viðtali við spænska tímaritið Don Balon, en Arsenal tapaði úrslitaleiknum þar óvænt fyrir Birmingham, 1:2.

„Þetta er ákvörðun sem menn taka, annaðhvort leggja allt í að vinna titla, eða í að þróa og þroska leikmenn. Það er alveg ljóst að á Spáni yrðu Emery hjá Valencia, Guardiola hjá Barcelona og Mourinho hjá Real Madrid ekki lengur í starfi ef þeir ynnu ekki titil í þrjú ár.

En þetta er öðruvísi hjá okkur. Stjórinn er mjög klókur og félagið er með önnur gildi. Áherslan er lögð á að komast alltaf í Meistaradeildina, vera með í baráttunni til loka, ala upp unga leikmenn og halda fjárhagslegum stöðugleika.

Þetta telur stjórn félagsins mikilvægast, enda þótt ég geri ráð fyrir því að sú stund komi að menn verði að ákveða hvort þeir ætli að taka næsta skref, vera sigurlið eða ekki," sagði Fabregas en Arsenal hefur ekki unnið titil í sex ár.

Fabregas hefur ítrekað verið orðaður við Barcelona en hann er samningsbundinn Arsenal til 2014. „Ég talaði við Carles Puyol fyrirliða Barcelona og hann hafði ekki unnið neitt þegar hann var 26 ára gamall. Nú hefur hann unnið allt sem hægt er að vinna í fótboltanum. Þolinmæði og vinnusemi eru mikilvægustu eiginleikarnir. Ef ég yfirgef Arsenal einhvern tíma, þá fer ég aldrei í annað enskt félag" sagði Fabregas um þau mál.

Fabregas verður 24 ára í næsta mánuði en hann hefur verið í röðum Arsenal frá 16 ára aldri þegar Wenger krækti í hann frá Barcelona.///þarna er maður ekki sammal honum als ekki þetta kemur!! það er virðingarvert að ala upp góða knattspyrnumenn og spila svo skemmtilega knattspyrnu sem,þetta lið gerir hjá Wenger ,og hann er rettur maður á réttum stað,það er einmitt þetta að sem á að halda liðinu saman,það kemur að titlum ekki spurning en það á ekki að koma niður á´spilinu fallega ,Wengur ber einnig að skila gróða,og það gerir hann,ef Fabregas er óánægður á hann bara að fara,en ekki tala liðið sitt niður,Barcelona er að spila vel og svona knattspyrnu einnig en það er keypt og keyptir snillingar fyrir offjár,það skylur á milli ,en þeir vina titla það er ekki spurning næsta ár allavega!!!/Halli gamli

Fabregas: Væri búið að reka Wenger á Spáni

Athugasemdir

[maggi (IP-tala skráð) 20.4.2011 kl. 15:22]

Sammála ! Fabregas þarf að fara að einbeita sér að spilamennskunni og hætta þessu blaðri!