Verðum að læra að treysta/Biskupi vorum segist vel að vanda og var ómirkur i máli !!!

Verðum að læra að treysta
Innlent | mbl.is | 24.4.2011 | 12:08
Karl Sigurbjörnsson, biskup Íslands, sagði í páskaprédikun í Dómkirkjunni í morgun, að ári eftir útkomu rannsóknarskýrslu Alþingis setti neikvæðnin, sakbendingarnar og dómharkan mark sitt á þjóðarsálina. Íslendingar verði að læra að treysta í stað þess að traðka niður.

„Það er vissulega ekki að ástæðulausu. En það er auðvelt að missa móðinn. auðvelt að láta neikvæðnina taka yfir í sál sinni.  Það er svo auðvelt að finna sökudólga og benda á aðra og firra sig ábyrgð og flýja í skjól kæruleysis og kaldhæðni," sagði Karl.

Hann sagði að við þörfnuðumst trúar á lífið og möguleika okkar til að leysa aðsteðjandi vanda, þörfnuðumst trúar á mátt umhyggju kærleikans til að reisa og viðhalda samfélagi sem stuðlar að mannlegri reisn.

„Og við þurfum að læra af mistökum og brotum okkar. Við erum öll brothættar manneskjur, breiskar og varnarlausar manneskjur,"  sagði Karl.

„Við megum ekki við því öllu lengur að sitja föst í vantrausti og tortryggni. Við verðum að geta kallað fram það besta í hvert öðru. Til þes  þyrftum við að leggja okkur fram í agaðri samræðu og sanngirni, virðingu við náungann.  Reyndar er agaleysið og virðingarleysið okkar mesta böl og ein helsta orsök ófara okkar," sagði Karl.

Hann sagði að reiðin hefði einnig tært og brotið niður traust til þeirra grunnstoða og stofnana sem heilbrigt samfélag byggir á. „Börnin okkar líða undir því, það segja kennarar, sem kikna undan álaginu og því hve börnin eru tætt," sagði Karl.

Hann sagi að sagan kenndi að þjóðin muni rísa upp „en til þess þurfum við að læra að treysta í stað þess að traðka niður það góða sem í okkur býr og umhverfis okkur er."/////Hvílíkur snillingur er  er Biskupinn okkar sem ræðumaður það er ekki aðrir betri að mínu mati!!! en skulu Alþingismenn og stjórn og stjórnarandstaðan hafa á þetta hlustað og yfirleitt þeir sem stjórna öll og eru yfirleitt i stjórnun og að koma undir okkur fótum eftir þessa kreppu sem gekk yfir heiminn að hluta ,og varð okkur slæm vegna græðgi manna sem ætluð sér ekki af og reyndar mörgum okkar sem fylgdu því eftir meira og mynna,en von bara að sem flestir hafi hlustað,ekki síst Steingrímur og Jóhanna sem eiga að stjórna mestu, en gera ekki það sem er okkur fyrir bestu als ekki,það ber að gera eins og Biskup sagði hér á undan það er mottóið ekkert annað/Halli gamli

Verðum að læra að treysta

Athugasemdir

[Leifur Þorleifs (IP-tala skráð) 24.4.2011 kl. 13:26]

Þvílík þjónkunar ræða frá meistara Babýlon.

[þorsteinn (IP-tala skráð) 24.4.2011 kl. 14:10]

Held hann ætti frekar að tala til útrásaraðalsins, heldur en að skamma þjóðina.

Hann gæti beitt sér meira í að sætta þjóðina , enda maðurinn á ágætis kaupi.

Mætti nýta prestana sem ekkert hafa að gera.Fá útrásar aðalinn til að hjálpa þjóðinni og skila þýfinu.Væri gott verkefni fyrir presta og preláta ,til að sætta þjóðina.Þjóðin verður aldrei sátt fyrr en uppgjöri er lokið á sekt útrásarinnar, þetta ætti lærður maður að vita.

[Agla (IP-tala skráð) 24.4.2011 kl. 18:16]

Er ekki ómirkur með ufsilon eða ómyrkur?

Gleðilega Páska!