Vaxtabótakerfið hverfi inn í sólarlagið/það er löngu komin tími á að breyta þessu !!!

Vaxtabótakerfið hverfi inn í sólarlagið
Innlent | Morgunblaðið | 28.4.2011 | 10:30
Í skýrslu sem samráðshópur um húsnæðisstefnu skilaði velferðarráðherra í vikunni eru lagðar til viðamiklar breytingar á ýmsu því sem lýtur að húsnæðismálum.

Hópurinn sem taldi alls 20 manns, m.a. alþingismenn, embættismenn, fulltrúa stéttarfélaga og atvinnurekenda, leggur m.a. til að hætt verði að greiða vaxta- og húsaleigubætur en þess í stað verði greiddar húsnæðisbætur.

Tilgangurinn er sá að útrýma misræmi milli þess opinbera stuðnings sem fólk fær eftir því hvort það leigir húsnæði eða hefur tekið lán til að kaupa sér húsnæði.

Sigríður Ingibjörg Ingadóttir, þingmaður Samfylkingarinnar, var formaður samráðshópsins. Hún bendir á að par sem er samtals með 500.000 króna heildartekjur og leigi sér íbúð eigi ekki rétt á húsaleigubótum. Ef þetta sama par hefði keypt sér íbúð fyrir 20 milljónir og skuldaði 16 milljónir, fengi það á hinn bóginn 27.000 krónur í vaxtabætur á mánuði. Á sama tíma fái fólk með háar tekjur vaxtabætur. Sigríður segir þetta ósanngjarnt. „Ef við ætlum að gera búsetuformum, það er að segja, leigu, eign eða búseturétti, jafnhátt undir höfði, verðum við að draga úr þessu misræmi.“ Fólk verði að geta valið um hvort það leigi til langs tíma eða taki þá áhættu að taka lán fyrir fasteign.

Aflagt á nokkrum árum

Hópurinn leggur til að á þessu ári verði fyrsta skrefið tekið, þ.e. að tekjuskerðingamörk húsaleigubóta verði hækkuð til að fólk geti haft hærri tekjur áður en húsaleigubætur byrja að skerðast. Á næsta ári verði lögum breytt þannig að hætt verði að greiða vaxtabætur eða húsleigubætur og einungis greiddar húsnæðisbætur en upphæð þeirra verði óháð búsetuformi.

Starfshópurinn metur ekki hvort auka eigi heildarfjárhæð bóta heldur ganga tillögurnar út á að skipta þeim með öðrum hætti. Það þýðir að minna mun koma í hlut þeirra sem skulda í eigin húsnæði en þeir sem leigja fá hærri fjárhæð. Sigríður leggur áherslu á að breytingarnar megi ekki ganga í gegn of hratt, m.a. vegna þess að taka verði tillit til þeirra sem hafa reiknað með vaxtabótum þegar þeir festu kaup á íbúð. Afleggja þyrfti vaxtabótakerfið með einhvers konar sólarlagsákvæði, þ.e. að þeir sem hafa fengið vaxtabætur muni hætta að fá þær á nokkrum árum en nýir muni hvorki bætast inn í vaxta- né húsaleigubótakerfið frá og með árinu 2013.

Meðal annarra tillagna er að ríkið leiti leiða til að efla markað með langtímaleiguhúsnæði og fjölga íbúðum með búseturétti. Þá leggur hópurinn til að mótuð verði húsnæðisáætlun sem skilgreini markmið ríkisstjórna í húsnæðimálum. Með henni eigi að tryggja húsnæðisöryggi, félagslega samheldni og stuðla að efnahagslegum stöðugleika. Sigríður bendir á að til að slík áætlun sé möguleg verði að byggja á nákvæmum upplýsingum um húsnæðismarkaðinn, s.s. um eftirspurn og þörf, en slíkar upplýsingar séu ekki til staðar nú.

Skortur á upplýsingum hafi komið mörgum í koll. Víða um land hafi verið reist hús, m.a. með lánum frá Íbúðalánasjóði, sem nú standi tóm og í mörgum tilfellum sé ekki fyrirséð að breyting verði á.

Koma verði í veg fyrir að slíkt endurtaki sig.///////það er löngu komin tími til að breyta þarna ekki spurning þetta kerfi hefur gengið sér til húðar, að mörgu leyti það ekki öll það er ekki hægt að fyrirbyggja eignarkerfið, en að hafa bæði er gott ,leigukerfið er einnig gott að vissu marki en það eru einnig svo að þar er gert út að gróða það er ekki hægt að hafa hemil á því ,vegna þessa að þeir sem byggja svo til að leigja vilja hafa sitt ,og svo að setja þeim mörk að langtímaleiga er verst ,segi að ekki er hægt að segja upp fólki nema á löngum tíma sem ekki borgar eða brýtur samninga!!!þetta er óskostur,en formið sem kallast kaupleiga er betra að mínu áliti það eignast þú það með löngum tíma,og sinan kauprettur af því ef ekki semst!! það er svo margt sem ber að athuga þarna,svo og tekjutengja hlutina ,það er oft erfitt og vel það ,það er maður á að ekki hefur tekist með launin ,sem aldrei hefur tekist,svo við hækkum með réttri vistölu sem er alltaf röng!!svo þegar upp er staðið er þetta mjög víðsjávert allt og þarf að skoða mikið betur ekki setja þetta á strax,skoða hertri leiðir/Halli gamli

Vaxtabótakerfið hverfi inn í sólarlagið

Athugasemdir

[Che, 28.4.2011 kl. 13:00]

Sem leigjandi er ég samþykkur þessum breytingum. Húsaleigubætur sem leigjendur fá eru skammarlega lágar í dag, bara nokkur þúsund. Nema þeir falli undir sérstök ákvæði um sérstakar húsaleigubætur (einstæðir foreldrar með lágar tekjur, öryrkjar osfrv.). Auk þess leigja fæstir leigusalar fólki sem ætlar að sækja um húsaleigubætur, svo að leigjendurnir hætta við að sækja um bæturnar til að vera ekki á götunni. Þannig hafa húseigendur staðið betur að vígi en leigjendur.

Annað sem á að leggja af líka, er verðtrygging/vísitölubinding á lánum, sem er eins óréttlátt og verzlunin með afríska þræla á 18. öld og einsdæmi í veröldinni. En íslenzka kommúnistastjórnin, sem er sannarlega hækja auðvaldsins, tekur það ekki í mál.