Jóhanna og Steingrímur á beinu brautina!!!!

Nú eru sóknarfærin svo sannarlega til staðar og okkar allra er að nýta þau, skrifa Jóhanna Sigurðardóttir forsætisráðherra og Steingrímur J. Sigfússon fjármálaráðherra í bréfi sem þau birta í Fréttablaðinu, en þar eru tíundaðar ástæður þess að nú sé tími til að hefja kraftmikla lífskjarasókn.

Segja þau að þáttaskil hafi orðið í endurreisnarferli íslensks efnahagslífs með undirritun kjarasamninga til þriggja ára á almennum vinnumarkaði.

Með samningunum auk þeirra aðgerða sem ríkisstjórn hyggst beita sér fyrir á grundvelli þeirra séu launafólki, lífeyrisþegum og atvinnulausum tryggðar verulegar kjarabætur og stigið er stórt skref í að bæta kaupmátt almennings eftir þá erfiðleika sem á dundu í kjölfar efnahagshrunsins árið 2008.

Tiltaka þau þær aðgerðir sem nú á að hleypa af stokkunum til eflingar velferðarkerfisins og til að örva hagkerfið.

• Betri kjör – aukin menntun – meiri velferð
• Bætur almannatrygginga verða hækkaðar til samræmis við launahækkanir.
• Atvinnuleysisbætur verða hækkaðar til samræmis við launahækkanir.
• Fjármögnun fæðingarorlofssjóðs verður tryggð og staða sjóðsins styrkt.
• Persónuafsláttur verður hækkaður og verðbættur frá og með 2012.
• Tekju- og eignatengingar barna- og vaxtabóta verða endurskoðaðar.
• Árleg framlög til menntakerfisins alls verða aukin um tæpa tvo og hálfan milljarð króna.
• Heildstætt nám í fjarkennslu verður í boði á framhaldsskólastigi.
• Sköpuð verða námstækifæri fyrir allt að 1.000 atvinnuleitendur haustið 2011 og næstu tvö skólaár þar á eftir í framhaldsskólum, frumgreinadeildum, háskólum og í framhaldsfræðslu.
• Starfstengdum úrræðum fyrir atvinnuleitendur verður fjölgað um allt að 1.500 árið 2011 þannig að heildarfjöldi þeirra einstaklinga sem njóta slíkra úrræða tvöfaldist.
• Lögum um vinnumarkaðsaðgerðir verður breytt á þann hátt að bótatímabil einstaklinga í starfstengdum úrræðum verður ekki skert.
• Stofnaður verður þróunarsjóður til að efla starfstengt nám á framhaldsskóla- og háskólastigi og þróa styttri námsbrautir. Í hann verða lagðar 300 milljónir króna á ári næstu þrjú árin.
• Gerðar verða breytingar á lögum til að tryggja réttindi launafólks við aðilaskipti á fyrirtækjum er varða launakjör, starfsskilyrði og vernd gegn uppsögnum.
• Lögum um opinber innkaup verður breytt til þess að tryggja betur réttindi starfsmanna þeirra sem selja vöru og þjónustu til ríkissjóðs.
• Starfsendurhæfingarsjóður verður efldur.
• Nýtt húsnæðisbótakerfi útfært.
• Til viðbótar þessum kjarabótum hefur þegar verið ákveðið að greiða 18 milljarða króna í vaxtabætur fyrir árin 2011 og 2012 sem gerir í heild 36 milljarða króna.
• Aðgerðum vegna skuldavanda heimila og fyrirtækja verður fylgt eftir af festu.
• Örvun atvinnulífsins – sókn í atvinnumálum
• Stöðugleiki á vinnumarkaði og í efnahagslífi verður tryggður með kjarasamningum til þriggja ára.
• Atvinnuleysi á að lækka í 4-5% á samningstímanum.
• Útgjöld vegna opinberra framkvæmda verða aukin um 13 milljarða til ársloka 2012.
• Á fjárlögum 2011 er gert ráð fyrir 21 milljarði króna í opinberar framkvæmdir.
• Atvinnutryggingagjald fyrirtækja verður lækkað úr 3,81% niður í allt að 2,15% á samningstímabilinu í takt við þróun atvinnuleysis.
• Fjármálaráðherra mun leggja fram tillögur til lagabreytingar á vorþingi sem miðar að einfaldara og bættu skattaumhverfi fyrirtækja og einstaklinga í rekstri.
• Ný fjárfestingaráætlun miðar að því að auka fjárfestingar úr 13% af landsframleiðslu í 20% á tímabilinu.
• 300 milljónum króna verður varið árlega næstu þrjú árin til markaðssetningar erlendis á Íslandi sem eftirsóknarverðum ferðamannastað .
• Rammaáætlun og vatnalög verða afgreidd fyrir næsta vetur.
• Stefnt að a.m.k tveimur umfangsmiklum fjárfestingaverkefnum í orkufrekum iðnaði.
• Átakið allir vinna framlengt, a.m.k út árið 2012.
• Efnt til klasasamstarfs og samkeppnissjóðir á sviði menntamála, heilbrigðis- og velferðarmála, orku- og umhverfismála efldir.
• Nýsköpunarsjóður atvinnulífsins efldur til fjárfestinga í sprotafyrirtækjum og Tækniþróunarsjóði gert kleift að aðstoða fyrirtæki í hugbúnaðar- og hátækni til að auka útflutning.´///////ein og sjá má þarna eru allir komnir á beinu brautina ekki spurning ,þetta er fallegt og gaman að fylgjast með hvað af þessu verður gert,en það er margt mjög gott þarna við biðum og sjáum og vonum/Halli gamli