Fagnar ummælum borgarstjóra/maður bara hrekkur við,af undrun!!!!!

Fagnar ummælum borgarstjóra
Innlent | mbl | 18.5.2011 | 11:19
Hanna Birna Kristjánsdóttir, oddviti sjálfstæðismanna í Reykjavík, fagnar þeim ummælum borgarstjóra að það sé ástæða til að skoða hvort lækka beri útsvarið í borginni í ljósi góðrar stöðu borgarsjóðs.

Allt þetta ár hafi sjálfstæðismenn sagt að það sé engin ástæða til að hækka skatta í borginni. Á það hafi flokkurinn lagt ríka og mikla áherslu, auk þess sem fjölmargar tillögur þess efnis hafi verið lagðar fram.

„Ég fagna því að borgarstjóri skuli taka undir þau sjónarmið, að það sé rétt að skoða málið og athuga hvort það er ekki hægt að vinna hlutina öðruvísi. Og við munum standa með meirihlutanum að því að vinna hlutina þannig, ef menn eru reiðubúnir í það.“

Betri afkoma en reiknað var með

Jón Gnarr, borgarstjóri Reykjavíkur, segir í samtali við Morgunblaðið í dag það sé ástæða til að skoða hvort lækka beri útsvarið í ljósi góðrar stöðu borgarsjóðs. Í gær var greint frá því að afgangur af rekstri Reykjavíkurborgar í heild hafi í fyrra verið nær 13,7 milljarðar króna. Fram kom að gengishagnaður hafi Orkuveitunni til góða en einnig hafi skatttekjur umfram áætlun.

Dagur B. Eggertsson, formaður borgarráðs, sagði aftur á móti í samtali við Rúv í gær að hagnaðurinn gæfi ekki tilefni til að útsvarshækkanir yrðu endurskoðaðar. Útsvar borgarbúa hefði hækkað tvívegis á síðustu mánuðum. Hagnaðurinn væri að stærstum hluta tilkominn vegna gengisflökts og væri því ekki fastur í hendi.

Formaður borgarráðs tali með óskynsömum hætti

„Ég er sammála borgarstjóra en ekki formanni borgarráðs, sem mér finnst tala með óskynsamlegum hætti um verkefnið, og vera að verja þá leið sem ríkisstjórnin vill stöðugt fara. Sem er sú að hækka skatta á fólk í stað þess að draga saman í kerfinu og nýta afganginn sem nú er í þágu borgarbúa, en ekki í þágu kerfissins,“ segir Hanna Birna.

Hún bendir á að ákvörðun meirihlutans í borginni um að hækka skatta og gjaldskrár sé að kosta meðalfjölskylduna í Reykjavík um 150.000 kr. á ári. Það muni um minna.

„Mér finnst mjög mikilvægt að menn skoði þennan reikning. Lesi hann vel, og sjái og skilji að það er hægt að vinna hlutina öðruvísi. Og dragi til baka þessar fyrri ákvarðanir um stórfelldar skattahækkanir.“

Fyrsta skrefið sé að lýsa vilja til þess. Það hafi borgarstjóri gert og segir Hann Birna að það séu ánægjulegar fréttir.

Aðspurð segir Hanna Birna augljóst að borgarstjóri og formaður borgarráðs séu að tala með mismunandi hætti. Það sé hins vegar ekkert nýtt að Dagur B. Eggertsson vilji verja þessa svokölluðu blönduðu leið, sem sé leið ríkisstjórnarinnar.

„Fyrir síðustu kosningar talaði Besti flokkurinn um að það væri rétt að hækka ekki skatta, jafnvel lækka þá. Kannski eru þeir að hverfa til sinna hugsjóna í því og það er vel,“ segir Hanna Birna.///sko efir allar hækkanirs sem yfir okkur hafa dunið þarna Hiti 40% rafmagn 28% Drulluskattur um 40% svo og Útsvar sem við öll borgum bráttó  á tekjur í hámark og við sem mynna höfum en búum ennþá heima,og viljum að í lengstu lög,náum ekki endum saman,og getur ekki selt og minkað við okkur,það er komið löngu að þolmörkum og við eigum einskis úrkosta en að að spara allt eð fara á Borgina ein og þau hljóta að vilja með þessu framhaldi,en vinum samt að þetta nái fram að ganga og meira til ,þessi drulluskatturin og hann var kallaður átti bara að gilda meðan væri verið að koma dælunni út á haf,sem nefnist nú frá frárennslisgjald/Halli gamli

Fagnar ummælum borgarstjóra