Staðfesta kjarasamning/þetta er mjög svo umdeilt hjá S.A. svo ekki sé meira sagt!!!!

Staðfesta kjarasamning
Innlent | mbl.is | 21.6.2011 | 15:00
Samtök atvinnulífsins hafa ákveðið að staðfesta gildistöku kjarasamninga frá 22. júní 2011 í samræmi við ákvæði kjarasamninganna sem undirritaðir voru 5. maí sl. Með því öðlast samningarnir gildi til 31. janúar 2014.

Segir í tilkynningu frá Samtökum atvinnulífsins að SA telja að atvinnuleiðin sé eina færa leiðin fyrir þjóðina út úr kreppunni og stöðugleika á vinnumarkaði nauðsynlegan til þess að hægt sé að bæta lífskjör og minnka atvinnuleysi.

„Ríkisstjórnin hefur ekki lagt fram fjárfestingar- og hagvaxtaráætlun, sem liggja átti fyrir í lok maí, en fjárfestingar eru lykilforsenda þess að hér náist 4-5% hagvöxtur á árunum 2012 og 2013.

Sérfræðinefnd ríkisstjórnarinnar gaf stefnu hennar í sjávarútvegsmálum falleinkunn og sama hefur OECD gert. SA krefjast þess að ríkisstjórnin standi við eigin yfirlýsingar um raunverulega sátt um hagkvæman sjávarútveg.

 Samtök atvinnulífsins vinna að því að tryggja hag alls atvinnulífsins og þjóðarinnar. Tækju  samningarnir ekki gildi 22. júní hefði það mikla röskun og óvissu í för með sér. Samtök atvinnulífsins telja slíka ákvörðun ekki réttlætanlega þrátt fyrir vanefndir ríkisstjórnarinnar.
 Atvinnuleiðin og hagvöxtur eru forsendur þess að atvinnulífið rísi undir kjarasamningunum og að unnt verði að auka kaupmátt fólks á næstu árum," segir í yfirlýsingu frá Samtökum atvinnulífsins.
  

Forsendur samninganna verða metnar af sérstakri forsendunefnd aðila í janúar 2012 og janúar 2013 og ef þær standast halda þeir gildi sínu. Ef forsendur standast ekki getur annað tveggja gerst, að þeir haldi gildi sínu með breytingum sem aðilar koma sér saman um eða að þeim verði sagt upp af öðrum hvorum aðila eða báðum og verða þeir þá lausir, annað hvort frá 1. febrúar 2012 eða 1. febrúar 2013, samkvæmt upplýsingum frá SA.

Samtök atvinnulífsins og Alþýðusamband Íslands hafa fjallað um gildistökuna í samræmi við kjarasamningana frá 5. maí sl. Þar er kveðið á um að lagabreytingar og stjórnvaldsákvarðanir sem getið er um í yfirlýsingu ríkisstjórnarinnar í tengslum við kjarasamningana skuli hafa gengið eftir.

Alþingi hefur þegar samþykkt nokkrar lagabreytingar í samræmi við yfirlýsingu ríkisstjórnarinnar og undirbúningur að ýmsum öðrum málum er ýmist hafinn eða hefst eftir atvikum síðar vegna mála sem ljúka þarf á haustþingi.

„Tvö mikilvæg mál hafa ekki gengið eftir eins og til stóð samkvæmt yfirlýsingu ríkisstjórnarinnar. Annars vegar hefur fjárfestingar- og hagvaxtaráætlun ekki verið lögð fram og sameiginleg vinna vegna fjárfestinga í samgöngumannvirkjum hefur engan veginn verið í samræmi við það sem stefnt var að. Hins vegar hefur frumvarpssmíði og lagasetning um sjávarútvegsmál tekið allt aðra stefnu en ríkisstjórnin setti fram í sérstakri bókun sem var hluti yfirlýsingar hennar 5. maí sl. í tengslum við kjarasamningana," segir í tilkynningu frá SA.////// þetta er og mun verða mjög svo umdeilt hjá S.A. og að treysta þessari ríkisstjórn er ekki hægt!!! als ekki ,þær hlæja núna i stjórnaráðinu Ögmundur og fl. ef ekki allir á næsta ríkisstjórnarfundi!!!! þetta er uppgjöf fyrir okkur öll að láta þessa Komma !!!! komast upp með að gera ekkert sem átti að gera,við munum öll skilja þetta siðar þegar við sjáum hvert stefnir niður i skítinn/Halli gamli

Staðfesta kjarasamning