65,7% andvíg málshöfðun/þetta er bara skömm og ekkert annað,mín skoðum 65,7% annara!!!!!!

65,7% andvíg málshöfðun
Innlent | mbl.is | 22.6.2011 | 11:34
Tveir þriðju hlutar landsmanna, eða 65,7%, er andvígur því að höfðað hafi verið sakamál gegn Geir H. Haarde, fyrrverandi forsætisráðherra, fyrir landsdómi. Þetta kemur fram í nýrri könnun MMR, en þar segir ennfremur að mikill munur sé á afstöðu fólks eftir stjórnmálaskoðun.

MMR kannaði hvort fólk væri almennt fylgjandi eða andvígt því að höfðað hafi verið sakamál fyrir landsdómi gegn Geir.

Segir að mikill meirihluti þeirra sem hafi tekið afstöðu séu andvígir ákærunni
gegn Geir eða 65,7%.

Af þeim sem tóku afstöðu sögðust 48,3% vera mjög andvígir, 17,3% frekar andvígir, 14,6% frekar fylgjandi og 19,7% sögðust mjög fylgjandi að höfðað hafi verið sakamál gegn Geir  vegna refsiverðrar háttsemi hans í embættisfærslu sinni á árinu 2008.

Mikill munur reyndist á afstöðu fólks eftir því hvar það stendur í stjórnmálum. Andstaðan reyndist mest á meðal Sjálfstæðismanna, en 91,7% þeirra sem tóku afstöðu og myndu kjósa Sjálfstæðisflokkinn, ef kosið yrði í dag, sögðust frekar eða mjög andvígir því að höfðað hefði verið sakamál fyrir landsdómi gegn fyrrverandi oddvita Sjálfstæðisflokksins.

Aftur á móti voru 73,4% þeirra sem tóku afstöðu og myndu kjósa Vinstri-græna, ef gengið væri til kosninga í dag, fylgjandi því að höfðað hafði verið sakamál gegn Geir H. Haarde.

Niðurstöður könnunarinnar sýna mikla breytingu á afstöðu almennings frá því skömmu fyrir ákvörðun Alþingis um að lögsækja Geir H. Haarde í september 2010. Í könnun MMR sem birt var þann 17. september 2010 voru yfir 60% þeirra sem tóku afstöðu sem sögðust fylgjandi því að höfða bæri sakamál fyrir landsdómi gegn fyrrverandi ráðherrunum Árna M. Matthiesen (66,3%), Geir H. Haarde (64,2%) og Ingibjörgu Sólrúnu Gísladóttur (60,4%). Nokkuð færri eða 51,8% sögðust þá fylgjandi því að höfða bæri sakamál fyrir landsdómi gegn Björgvin G. Sigurðssyni fyrrverandi viðskiptaráðherra.///um þetta má skrifa langt mál ,og mikið en það er ekki,það sem er hér gert heldur sagt þá meiningu að taka þennan eina mann Geir Haarde og  láta hann fyrir dóm einan af öllum þessu ráðherrum fallstjórnar okkar 2008 er ekki i lagi bara skömm og ekkert annað sértaklega fyrir Alþingi okkar og þeirra meirihluta sem þetta ákvað,þetta er svo alverlegt að við eigum ekkert orð sem viljum ekki svona meðferð á einum manni!!!Kommar eru svona!!!/Halli gamli

65,7% andvíg málshöfðun

Athugasemdir

[joi (IP-tala skráð) 22.6.2011 kl. 12:38]

Skil ekki afstöðu landa minna, hvað er að, hann leyndi fagráðherra upplýsingum um hve alvarlegt ástandið var, það ætti að dæma hann fyrir landráð, þetta er mjög alvarlegt og vissulega refsivert...

[Gunnar (IP-tala skráð) 22.6.2011 kl. 12:40]

Persónuleg skoðun mín er sú að það er kjánalegt að fara í mál við Geir einan og sér. Það hefði átt að fara í mál við alla fjóra ráðherrana(og mér finnst skömm hvernig púslað var saman atkvæðum svo allir nema Geir sluppu).

Eins og ég lít á þetta mál er að þetta sé(ætti að vera*) tækifæri fyrir Geir að gera upp við þjóðina, ef hann er saklaus þá verður hann dæmdur saklaus. Í fullkomnu lýðræði ætti þetta að vera að jákvæðara fyrir Geir heldur en hina ráðherrana, þar sem óneitanlega munu ákvarðanir þeirra hinna í fallinu elta þau allt þeirra líf, en Geir getur gert upp við þjóðina sínar ákvarðanir.

*Það er síðan auðvitað spurning hvort verið sé að dæma Geir útfrá því að vera í xD, þar sem atkvæðagreiðslu um hvort ætti að fara í landsdóm gegn ráðherrunum lyktaði mjög af pólitík.

[joi (IP-tala skráð) 22.6.2011 kl. 12:50]

Ég er fullkomlega samála að póitíski fnikurinn af atkvæðagreiðslunni var ógurlegur og allir sem skynsemi valda hjóta að sjá að það hefði átt að ákæra þau öll, allavega öll nema viðskiparáðherra, honum var leynt stöðunni af hinum sem er graf alvarlegt, en hann ber samt ábyrgð á málaflokknum og ætti ekki að sleffa þrátt fyrir upplýsingarskort.  Viðbröðin við atburðunum eru sennilega ekki refsiverð, stjórnarfarið er það og það á að dæma hann.  og valdið til að ákæra ráðherra á ekki heima á alþingi það er deginum ljósara.

[Árni Gunnarsson, 22.6.2011 kl. 14:26]

Pólitíski fnykurinn af afgreiðslu Alþingis var skelfilegur og raunalegur. Þegar réttlætiskennd alþingismanna er orðin flokkspólitísk er ástæða til að hafa áhyggjur af löggjafanum.

Það er tvennt sem vekur athygli mína öðru fremur.

1. Yfir 8% sjálfstæðismanna telur að lögsækja eigi fyrrverandi formann og það er ótrúlega hátt hlutfall.

2: Mig furðar mjög hversu illa Geir tekur þessu og jafnframt flestir af ármönnum Flokksins. Ég hef frá því fyrsta staðið í þeirri trú að Geir eigi að fá dóm fyrir glæpsamlega vanrækslu í starfi og að það gildir í mínum huga um flesta ráðherra ríkisstjórnar hans ásamt yfirmönnum Seðlabankans og Fjármálaeftirlitsins.

Niðurstaðn var sú að Geir var tekinn út úr einn og ákærður.

Ég undrast hvers vegna Geir og vinir hans og flokkssystkini eru svona ógnar reið vegna ákærunnar. Í hans sporum væri mér mikil þægð í því að verða hreinsaður fyrir dómi í stað þess að eiga þennan draug á eftir mér til æviloka og inn í Íslandssöguna.

Eða, er ekki Geir sannfærður - og vinir hans - um sakleysi hans og að samkvæmt því verði hann sýknaður?

Hvað er að óttast fyrir saklausa menn?

[Jonsi (IP-tala skráð) 23.6.2011 kl. 12:02]

Látum skoðanakannanir landsmanna ráða því hver er sóttur til saka, hver er sekur og hver er ekki.  Þannig á þetta að vera. Landsmenn eru svo rosa klárir.