Sól í kortunum/Já það er mál til komið !!!!!

Sól í kortunum
Innlent | mbl.is | 6.7.2011 | 7:26
Landsmenn ættu að geta sleikt sólskinið í dag og þó einkum á morgun ef veðurspár ganga eftir. Á morgun er sólin áberandi á spákortum frá Veðurstofunni og hitinn verður yfir 20 stig víða suðvestanlands.

Í dag léttir víða til en þokubakkar verða við norður- og austurströndina. Hiti verður 10 til 20 stig, samkvæmt veðurspá, hlýjast í uppsveitum suðvesturlands.

Á morgun er áfram spáð bjartviðri nema austast á landinu, þar sem verður dálítil væta, og einnig verða þokubakkar við norðurströndina. Hiti verður 10 til 20 stig, hlýjast á Suður- og Vesturlandi.

Á föstudag verður skýjað með köflum og sums staðar skúrir sunnanlands. Hiti verður 7 til 17 stig, hlýjast suðvestanlands en kaldast á annesjum fyrir norðan og austan.  Á laugardag verður áfram bjart veður, en stöku skúrir sunnanlands. Hiti verður 8 til 16 stig, hlýjast vestantil.

Á sunnudag verður léttskýjað norðan- og austanlands en skýjað og smávæta á Suður- og Vesturlandi. Hiti verður 10 til 17 stig, hlýjast norðanlands.  ///////það er mál til komið að landinn fái sól og sumar,það hefur ekki verið mikið um þann munað og er verulega að hlýna ,margir munu nota sér það sem betur fer bara ekki um of /Halli gamli

Sól í kortunum