Gæslan í Eyjum of upptekin til að sinna ofurölvi unglingsstúlkum- Eitt kynferðisbrot í skoðun !!!

Gestir á Þjóðhátíð í Vestmannaeyjum segjast hafa leitað langa hríð að gæslumönnum í Herjólfsdal seint í gærkvöld til að tilkynna um áfengisdauðar unglingsstúlkur í brekkunni en fengið þau svör að þeir væru of uppteknir til að sinna slíkum málum.

Stúlkurnar tvær höfðu drukkið frá sér ráð og rænu og voru hjálparþurfi.

Í fyrstu reyndist erfitt að hafa uppi á öryggisgæslunni á svæðinu en þegar það tókst var enga hjálp að fá. Gæslumenn sögðust ekki hafa nægan mannskap til að sinna málum af þessum tagi.

Þetta viðmót kemur lögreglunni í Vestmannaeyjum verulega á óvart.

Hátt á annað hundrað manns hafi sinnt gæslu í Herjólfsdal að meðtaldri foreldravaktinni. Auk þess hafi 20 lögregluþjónar verið á vakt. Í gæslunni sé meðal annars sérhæft fagfólk, sjúkraflutningamenn, lögreglumenn á frívakt og öryggisverðir, enda hafi gæslumál verið í góðu lagi.

Samráðsfundur verður haldinn kl. 13 í dag þar sem spurst verði fyrir um þetta atriði.

Gleðskapurinn gekk að langmestu leyti vel í gær, segir lögreglan, enda hafi stormveðurspáin ekki ræst. Aðeins 10 og 20 manns hafi leitað skjóls undan rokinu í íþróttahúsinu sem var til vonar og vara opnað eftir miðnætti því að Þjóðhátíðargestir voru sem endranær misvel búnir til útiveru.

Sérsveitarmenn á vakt sinntu útkalli vegna manns um borð í bát í höfninni sem sagðist vopnaður byssu og vera reiðubúinn að vinna sér mein en hann reyndist svo óvopnaður en mjög ölvaður.

Alls hafa komið upp um 40 fíkniefnamál á Þjóðhátíð og fimm líkamsárásir, þar af ein alvarleg.

Spurð um kynferðisbrot segist lögreglan hafa eitt grunsamlegt mál til skoðunar en atvik séu of óljós til að hægt sé að skýra nánar frá því að svo stöddu. Búast megi við fréttatilkynningu frá lögreglunni síðar í dag.///////þetta segir Pressan okkur i dag og er ekki  gott ,við erum hissa eins og þessu eftirliti er hælt ,þetta þarf að breytast vel ef ekki illa a´að fara/Halli gamli