Alþingi ræður en ekki ráðherrar/ekki oft sammála þessum manni en þarna er maður það!!

Alþingi ræður en ekki ráðherrar
Innlent | mbl.is | 29.8.2011 | 10:30
Björn Valur Gíslason, þingmaður VG og varaformaður fjárlaganefndar, furðar sig á umræðu um að ráðherrar hafi ákveðið að stofna til útgjalda fyrir hönd ríkissjóðs. Hann minnir á að fjárveitingarvaldið sé hjá Alþingi og það sé síðan hlutverk ráðherra að annast framkvæmd ákvörðunar þingsins.

Björn Valur nefnir engin sérstök dæmi í pistli sem hann skrifar um þessi mál á bloggsíðu sinni. Ekki eru hins vegar margir dagar síðan fjallað var um að ríkisstjórnin hefði ákveðið að reisa fangelsi á Hólmsheiði.

„Hún er dálítið undarleg umræðan um hvað ráðherrar segjast hafa ákveðið og hvað ekki. Ráðherra tekur ákvörðun um að ráðast í opinbera byggingu, ráðherra tekur ákvörðun um framkvæmdir, ráðherra ákveður að hætt skuli við framkvæmdir, ráðherra ákveður að breytt skuli um stefnu, ríkisstjórn tekur ákvörðun um að fjármagna skuli með einum eða öðrum hætti. Ráðherra ákveður hitt og ríkisstjórnin ákveður þetta. Eða svo er sagt.
Þetta er bara ekki alveg svona einfalt. Það er Alþingi sem mótar stefnuna. Það er Alþingi sem ákveður. Það er Alþingi sem ráðstafar fjármunum. Ráðherrar og ríkisstjórn annast svo um framkvæmdina.
Þetta var lengst af með öðrum hætti en reyndist ekki mjög vel,“ segir Björn Valur á bloggsíðu sinni./////þetta er svona, að maður er ekki oft sammála þessum manni er þarna, er maður það þarna, þetta er það sem maður hefur oft sagt að Ráðherraræðið er alltof mikið þetta er alþingi að ákveða en ekki einstakra ráðherra og það er veikleiki að haga sér svona,ekki spurning og Alþingi sniðgengið !!!/Halli gamli

Alþingi ræður en ekki ráðherrar

Athugasemdir

[Ásthildur Cesil Þórðardóttir, 29.8.2011 kl. 13:06]

Já loksins get ég verið 100% sammála honum.