Tillögurnar kynntar þinginu/það gott,og umræður,en þetta með vald Forseta Alþingis er komið í óefni!!!

Tillögurnar kynntar þinginu
Innlent | mbl.is | 29.8.2011 | 15:02
Tillögur stjórnlagaráðs verða lagðar fram í formi skýrslu til Alþingis þegar nýtt þing kemur saman í október. Þetta var ákveðið á fundi forsætisnefndar í dag. Aðeins þingmenn geta lagt fram frumvörp á Alþingi, en eftir er að vinna frumvarp upp úr tillögunum.

Á árlegum fundi forsætisnefndar Alþingis til undirbúnings fyrir þinghaldið í vetur var m.a. rætt um niðurstöður stjórnlagaráðs og þinglega meðferð á tillögum þess að nýrri stjórnarskrá. Forseti lagði fram minnisblað um  meðferð tillagna ráðsins og voru engar athugasemdir gerðar um hina þinglegu meðferð málsins á fundinum.

Í fréttatilkynningu frá forseta Alþingis segir að til þess að hægt sé að leggja tillögur stjórnlagaráðs fyrir Alþingi þurfi þær að koma fram í formi þingmáls á þingskjali og þingmenn geta einir flutt slíkt þingmál. Forseti lagði til að tillögur stjórnlaganefndar yrðu lagðar fram sem skýrsla frá forsætisnefnd til Alþingis. Ástæðan fyrir þeirri tilhögun er sú að í því felst ekki efnisleg afstaða til tillagnanna eða einstakra þátta þeirra af hálfu þeirra sem flytja málið (skýrsluna). Í skýrslunni verður saga málsins reifuð og fjallað um störf ráðsins, frumvarpstextinn birtur ásamt greinargerð frumvarpsins og jafnframt birt nauðsynleg fylgiskjöl.

Samkvæmt tillögu forseta er gert ráð fyrir að frumvarpstillögur stjórnlagaráðs verði ræddar þegar nýtt Alþingi kemur saman í október. Forseti telur ekki heppilegt að leggja tillögur ráðsins fram á fundadögum þingsins í september, sem eru níu talsins, því þá yrði mjög knappur tími til umræðna, auk þess sem málið félli niður eins og önnur þingmál er nýtt löggjafarþing hefst 1. okt.

Forseti stefnir að því að taka tillögur stjórnlagaráðs til umræðu eins fljótt og kostur er í október og engar hömlur verða af hálfu forseta á þeirri umræðu sem fram mun fara um málið. Allir alþingismenn sem vilja geta þá tjáð sig um það. Að því loknu gengur málið til  stjórnskipunar- og eftirlitsnefndar þingsins, sem fjallar um stjórnarskrármál. Í áður greindu minnisblaði forseta er hvatt til þess að umfjöllun nefndarinnar verði eins ítarleg og opin og framast er kostur. Í því sambandi er m.a. nefnt að æskilegt sé að nefndin kalli til fundar við sig ýmsa þá sem unnið hafa að málinu á fyrri stigum þess, t.d. fulltrúa í fyrrum stjórnlaganefnd og stjórnlagaráði, sérfræðinga í stjórnskipunarrétti og aðra þá er nefndin kann telja gagnlegt að hafa samráð við um meðferð málsins. Þá er hvatt til þess að stjórnskipunar- og eftirlitsnefndin leiti jafnframt til almennings með auglýsingu um umsagnir líkt og gert var við breytingar á stjórnarskrá á þinginu 1994-95.
Minnisblað forseta  Alþingis um þinglega meðferð tillagna stjórnlagaráðs er í samræmi við þau orð sem forseti lét falla er hún tók við tillögunum 29. júlí sl. Engin athugasemd var þá gerð við orð forseta.///ber að ræða þetta allt þarna á Alþingi þegar tími vinnst til,en hefur engan forgang ,það er svo margt annað sem hafur það!! en þetta með vald Forseta Alþingis er komið út fyrir allt það kostar eyklif þras við formenn flokkana,það ætti að vera meiri samvinna þarna allra en ekki þetta Forseta vald sem öllu ræður!!!! það eru 63 á Alþingi kosnir af okkur en ekki ,af okkar hendi beðið um þetta einræði eða svoleiðis!!!!við skulum bara breyta þessu og hafa meira samráð,ekki veiti af á þessum erfiðu tímum/Halli gamli

Tillögurnar kynntar þinginu