Eignir umfram forgangskröfur/hvað segir þetta Steingrími og Jóhönnu sem vildu borga Icesave,500 milljarða???

Eignir umfram forgangskröfur
Viðskipti | mbl.is | 1.9.2011 | 16:03
Virðisaukning eignasafns Landsbanka Íslands á öðrum ársfjórðungi nemur rúmum 45 milljörðum króna milli tímabila. Áætlað er að endurheimtur verði um 13 milljörðum króna hærri en sem nemur bókfærðum forgangskröfum í bankann, sem eru aðallega Icesave-innlán og heildsöluinnlán.

Þetta kom fram á blaðamannafundi nú síðdegis þegar kynntar voru uppfærðar upplýsingar um áætlað virði eignasafns Landsbanka Íslands hf., gamla Landsbankans, miðað stöðuna í lok júní. Þessar upplýsingar voru kynntar fyrir kröfuhöfum bankans fyrr í dag.

Bankinn segir að í erlendum myntum sé raunaukningin frá síðasta ársfjórðungi rúmlega 32 milljarðar króna og mismunurinn sé að langmestu leyti vegna gengisbreytinga. Ef miðað er við gengi krónunnar 22. apríl 2009 séu endurheimtur áætlaðar um 1.332 milljarðar króna sem er um 13 milljörðum  meira en sem nemur heildarfjárhæð bókfærðrar stöðu forgangskrafna. Sú upphæð nam 1.319 milljörðum króna í lok júní.

Er því áætlað, miðað við stöðuna eftir fyrstu sex mánuði þessa árs og þessar forsendur, að endurheimtur verði um 13 milljörðum króna hærri en sem nemur bókfærðum forgangskröfum í bankann.

Raunaukning á áætluðum endurheimtum á öðrum ársfjórungi er einkum til komin vegna hækkunar á verðmati á eignum bankans, m.a. á kröfum á fjármálafyrirtæki, útlánum til fyrirtækja í lánasafni og hækkunar á áætluðu verðmæti skilyrta skuldabréfsins sem Landsbankinn hf., það er nýi Landsbankinn, mun gefa út til gamla bankans.

Fram kemur í tilkynningu frá bankanum að ef áætlaðar endurheimtur séu miðaðar við gengi íslensku krónunnar á viðmiðunardögum nemi þær 1.290 milljörðum króna miðað við gengi krónunnar í lok júní eða um 98% af bókfærðri stöðu forgangskrafna.///Hrökkva þau ekki við Steingrímur og Jóhanna sem vildu óð borga þetta allt á  sinum tíma,og eiga þau bara ekki að segja af sér vegna þessa ,það hefði ég haldið ekki spurning,þetta er þvílíkt hneyksli að það toppar allt/Halli gamli

Eignir umfram forgangskröfur

Athugasemdir

[valli (IP-tala skráð) 1.9.2011 kl. 23:11]

Já Steingrímur og frú ættu að drullast til að segja af sér voru þau ekki að ábyrgjast þessi 270 milljarða skuldabréf fyrir NBI, Efta hefur aldrei gefið leyfi á aðstoðinni við stóru bankanna en það að láta ríkið ábyrgjast víkjandi skuldabréf og veita stóru bönkunum víkjandi lán er hlutur sem EFTA hefur aldrei samþykkt þar sem að stóru bankarnir eru og voru fjárfestingarbankar. Arion og Íslandsbanki eru samtals með 217 milljarða í víkjandi lán og NBI er með ríkisábyrgð upp á 270 milljarða sem að þessir bankar meiga ekki hafa samkvæmt þeirra áhættugrunni en síðan er verið að hæðast að Byr sem er með 5 milljarða í víkjandi lán til að mæta 71 milljarðs afskriftareikningi sem hannn þyrfti ekki að nota ef að storu bankarnir væru ekki að brjóta af sér með ólöglegu endurmati og þess háttar en stóru bankarnir geta heldur ekki endurmetið vexti á lán né yfirtekið félög og breytt skuldum yfir í hlutafé notandi TIER1

[Óskar Arnórsson, 2.9.2011 kl. 00:32]

Ef Icesave hefði verið samþykkt þá hefðu hrægammarnir getað skipt þrotabúinu á milli sín allt öðruvísi...um það snýst málið.

[valli (IP-tala skráð) 2.9.2011 kl. 09:15]

Það verður að fara að skoða áhættugrunna bankanna, það voru þeir sem að klikkuðu fyrir hrun og það hefur lítið sem ekkert verið skoðað þá. Þó ég sé vélfræðingur og starfi sem vélstjóri út á sjó þá þekki ég þessar Basel 2 reiknreglur það vel að ég hef verið beðinn að aðstoða manneskju við master ritgerð vegna þeirra, en til þess þyrfti samt annan til að skrifa upp á ritgerðinna þar sem ég hef aldrei á ævinni stigið inn í hagfræði tíma

[Heimir Hilmarsson, 2.9.2011 kl. 12:41]

Rétt hjá þér Óskar, Landsbankinn hefði að öllum líkindum ekki borgað neitt í IceSave ef ríkisstjórnin hefði getað komið þessu á þjóðina.

[Óskar Arnórsson, 2.9.2011 kl. 14:05]

Ég veit að það er svo. Þá hefði verið séð til þess að margir stórir íslenskir aðilar sem tapa á því að þurfa að skipta búi á þennan hátt sem var gert, hefðu haldið áfram að græða eins og ekkert hafi í skorist.

þetta er bara spurnig um aðferð og hvernig hægt er að láta hlutina líta sannfærandi út, og ekki hvað þjóðinni er fyrir bestu. Það skiptir ráðamenn engu máli og hefur aldrei gert... fólk vill bara ekki trúa því.

[Haraldur Haraldsson, 2.9.2011 kl. 18:18]

Þakka innlitið drengir góðir/við virðumst mjög sammála þarna /Kveðja