Vogunarsjóðir fá heimilin/þarna talar maður sem segir satt þó V.G. sé !!!!!

Vogunarsjóðir fá heimilin
Innlent | mbl.is | 10.9.2011 | 17:10
Það er „ömurleg staðreynd“ að vogunarsjóðir skuli nú leysa til sín fasteignir skuldsettra heimila og selja þær á markaðsvirði eftir að hafa tekið yfir húsnæðisskuldir á niðursettu verði. Þetta er mat Þorleifs Gunnlaugssonar, varaborgarfulltrúa VG, en hann hefur komið að gerð húsnæðisstefnu VG.
en hann hefur komið að gerð húsnæðisstefnu Vinstri grænna.

Þorleifur harmar að Vinstri grænir skuli ekki hafa beitt félagslegum úrræðum í meira mæli í landsstjórninni, enda hafi ríkisstjórnin verið í einstakri stöðu til þess í kjölfar bankahrunsins.

Með tilvísun í vogunarsjóði vísar varaborgarfulltrúinn til eignarhalds á Íslandsbanka og Arion banka. Landsbankinn er hins vegar sem kunnugt er að mestu leyti í eigu ríkisins.

Ríkið var í einstakri stöðu

Þorleifur telur að fasteignalán heimilanna hefðu aldrei átt að falla í hendur vogunarsjóða.

„Ríkið var í einstakri stöðu til þess að gera grundvallarbreytingar á húsnæðismarkaðnum í kjölfar hrunsins. Ríkið átti megnið af húsnæðislánunum í gegnum eignarhald sitt á bönkunum. Ríkið var því í þeirri stöðu að geta sett lánin inn í Íbúðalánasjóð eða byggt upp sanngjarnan húsnæðismarkað í gegnum félagsleg húsnæðisfélög.

Þá var ríkið í þeirri stöðu að geta lækkað húsnæðislánin í stað þess að láta bankana hafa þau með affölum.“

„Ríma ömurlega við raunveruleikann“

- Hvernig koma fyrirheit VG í húsnæðismálum heim og saman við stöðuna á fasteignamarkaði í dag?

„Markmið VG í húsnæðismálum ríma ömurlega við raunveruleikann. Heimilin eru nú undir hamrinum. Hér varð mikill forsendubrestur. Fasteignalánin hækkuðu mikið við hrunið. Svo bætist það við að fólk missir vinnuna og hefur því ekki tekjur til þess að borga af lánunum. Þess vegna er fólk að missa húsnæði sitt í dag.

Ríkisstjórnin gaf til skamms tíma þau fyrirheit að hún myndi bjarga skuldugum heimilum út úr þessum vanda og að fólk fengi sanngjarna úrlausn sinna mála.

Nú, loksins þegar Íbúðalánasjóður er að setja íbúðir á leigumarkað, er hann að gera það á markaðsverði,“ segir Þorleifur.

Svikin loforð í húsnæðismálum

Hann svarar því síðan aðspurður til að stjórnvöld hafi ekki efnt loforð sín í húsnæðismálum.

„Svarið er nei. Það er að mínu mati ömurlegt að vogunarsjóðir séu að leysa til sín eignir í dag. Þarna er um að ræða grunnþörf fólks og að vogunarsjóðir skuli vera búnir að leysa til sín fjölda heimila er vitaskuld ömurleg staða,“ segir Þorleifur Gunnlaugsson.///þarna er maður sammála þessu manni algjörlega ekki spurning um það,svo er staðan og vi miður ekkert gert sem hjálpar þessu fólki sem er að missa sitt og heldur áfram og allir biða með öndina i hálsinum hver verður næstur,þetta verður að far að taka alvarlega ekki annað í stöðunni,ef ekki fer illa fyrir mörgum ,og það er kannski það sem þessi ríkisstjórn vill???/Halli gamli

Vogunarsjóðir fá heimilin

Athugasemdir

[Ingibjörg Guðrún Magnúsdóttir, 10.9.2011 kl. 18:15]

Já Haraldur það er engan-vegin hægt að skilja af hverju Ríkisstjórnin skuli ekki hafa tekið upp hanskan fyrir heimilin og fyrirtækin í Landinu...

Tekið upp hanskan fyrir Þjóðina...

Þetta er svo ömurleg staða og það er örugglega mjög erfitt fyrir marga að horfa á eftir sparnaði sínum fara svona...

[Guðmundur Ásgeirsson, 10.9.2011 kl. 21:03]

Þorleifur er heill að virðingu og hefur ítrekað sýnt að honum stjórnar enginn nema hans eigin sannfæring.