Undrandi á ályktun lögreglumanna/Maður er meira undrandi á hennar álygtunum !!!!

Undrandi á ályktun lögreglumanna
Innlent | mbl.is | 28.9.2011 | 20:50
Ólína Þorvarðardóttir alþingismaður furðar sig á ályktun lögreglumanna sem telja að hún hafi sýnt þeim vanvirðingu. Þetta kemur fram á bloggsíðu þingmannsins.

„Lögreglumenn eru stórmóðgaðir við mig núna og hafa ályktað um það á sérstökum fundi að ég skuli biðja þá afsökunar á að hafa sýnt þeim „vanvirðingu“.

Ekki fylgir sögunni hvaða orð það eru nákvæmlega í mínum ummælum sem fela í sér vanvirðu við lögregluna – og nú er mér vandi á höndum.

Hvort skyldi það nú vera sá hluti bloggfærslu minnar eða títtnefnds viðtals í Síðdegisútvarpinu í gær þar sem ég lýsi stuðningi við og skilningi á kjarabaráttu lögreglumanna ….

eða sá hluti bloggfærslu og viðtals þar sem ég votta starfi þeirra virðingu mína …

eða sá hluti viðtalsins þar sem ég viðra þá hugmynd að einhverjir aðrir geti hugsanlega staðið heiðursvörð um Alþingishúsið á laugardaginn, úr því að lögreglan hefur ákveðið að gera það ekki.

Í ljósi yfirlýsinga sem fallið hafa af hálfu lögreglunnar í minn garð í dag verð ég að segja þetta:

Ef lögreglan bregst svona við stuðnings yfirlýsingu, virðingarvottun og/eða almennum hugleiðingum um það hvernig heiðra megi þjóðþingið … við hverju mega þeir þá búast sem raunverulega eru andsnúnir málflutningi og framgöngu lögreglumanna um þessar mundir,“ segir Ólína á bloggsíðu sinni.///við erum öllu vön úr þessari átt ef Ólína opnar munnin  ekki spurning að það er eitthvað sem er niðurbrot og kjaftháttur sem T.D. hennar stefna i sjáfaútvegsmálum segir okkur,gasprar i tíma og ótíma ,og það oft ekkert  sem er marktækt???Hún virðist hafa þennan  háttin  á flestum málum,einnig með lögreglu!! en þetta var svona einnig er hún var skólastjóri á 'Ísafyrði allt uppiloft þar/Halli gamli

Undrandi á ályktun lögreglumanna

Athugasemdir

[Andrés Einarsson (IP-tala skráð) 28.9.2011 kl. 22:35]

Það er einmitt þetta viðhorf þitt til skilnings á viðbrögðum lögreglumanna sem er að grafa undan virðingu alþingismanna ásamt svo mörgu öðru, hrokinn alger og auðmýktin engin.

Mér er það alveg hulin ráðgáta hvernig þessir svokölluðu ráðamenn okkar geta komið aftur og aftur fyrir alþjóð að því er virðist fullkomlega blygðunarlaust, eins og þeir hafi ekki brugðist í einu né neinu og staðið sig eins og klettar í stykkinu, á ég þá að sjálfsögðu við Jóhönnu, Steingrím og þeirra föruneyti.

Ef mig brestur ekki illilega minni voru þeirra einkunnarorð að standa vörð um almúga þessa lands, það átti að slá skjaldborg um heimilin, það átti að gera stórátak í atvinnumálum og lágmarka þær byrgðar sem lagðar yrðu á þegna þessa lands.

Hverjar hafa svo efndirnar verið?

Ef við byrjum á skjaldborginni, ef hægt er að tala um skjaldborg þá var hún sleginn um fjármálastofnanir og fjármagnseigendur, úrlausnir fyrir skuldsett heimili voru í stuttu máli þau að hver einasta króna sem hugsanlega væri hægt að kreista út úr þeim yrði tekin og hitt í sumum tilfellum afskrifað þar sem það væri hvort sem er tapað fé, meira að segja var í sumum tilfellum slegið á hendurnar á bankamönnum sem þóttu vera farnir að gang of langt í leiðréttingum, einnig virtist vera einhver glufa í lögum þar sem einhverjir gætu hugsanlega sloppið með skrekkinn og var rokið upp til handa og fóta til að girða fyrir það með þeirri undarlegustu lagabreytingu sem um getur í síðari alda réttarríkjum og á þessi lagabreyting að vera afturvirk eftir þörfum.

Hvað atvinnumál varðar, ekki veit ég í hverju þeirra þrekvirki hafa verið fólgin þar, en vissulega hafa þeir hampað sér í hvert einasta skipti sem fækkar um nokkrar hræður á atvinnuleysisskrám en ekki minnst á það einu orði að í öllum tilfellum hafa fleiri flutt af landi brott en sem því nemur.

Að síðustu birgðar á þegnana, þar skyldi nú líka tekið til hendinni, haft var samband við Breta og Hollendinga og þeir spurðir hvað þeir vildu mikið og að sjálfsögðu myndum við borga yfirdráttarvexti á þann pakka, þessi gjörningur gekk ekki í gegn því forsetinn stoppaði það og fór gjörningurinn í þjóðaratkvæðagreiðslu, í aðdraganda hennar fóru stjórnarliðar mikinn og sögðu að ef þetta yrði ekki samþykkt þegjandi og möglulaust gætum við bara flutt úr landi ellegar drepist úr hor hérna heima, gjörningurinn var felldur, sumir fluttu að vísu úr landi en engin dó úr hor svo vitað sé og lífið gekk sinn vana gang, þá var farið aftur á stað til Breta og Hollendinga, möglað eitthvað yfir yfirdráttarvöxtunum og komið til baka ári seinna með annan samning sem var einhverjum hundruð miljörðum lægri en sá fyrri, hann fór sömu leið í þjóðaratkvæði, upphófst þá aftur sami hræðsluáróðurinn og fyrr,  en allir vita hvernig það fór.

Ég veit um fullt af fólki sem hefur farið með veggjum í blygðun og smán fyrir mun léttvægari sakir.

Á svo að kóróna vitleysisganginn með því að gera þá kröfu til almennings að hann beri virðingu fyrir alþingismönnum í heild sinni.

 Hvað mig varðar byrja allir með fulla virðingu og svo er það undir þeim sjálfum komið hvort sú virðing heldur eða ekki, fólk getur og vill eflaust bera fulla virðingu fyrir stofnuninni ALÞINGI en þingmenn sem þar sitja hafa fullkomlega fyrirgert rétti sínum á virðingu.

Mér var kennt það sem ungum manni að virðing væri eitthvað sem maður ávinnur sér og að það gæti enginn litið á hana sem sjálfsagðan hlut.

Með fullri virðingu fyrir öllum sem eiga hana skilið.

Andrés Einarsson

[Haraldur Haraldsson, 28.9.2011 kl. 23:29]

Þakka innilitið !!Andrés Einarsson,mikið erum við sammála þarna hefði ekki getað orðað þetta betur/Kveðja

[Ingibjörg Guðrún Magnúsdóttir, 28.9.2011 kl. 23:53]

Ég verð nú bara að fá að þakka honum Andrési Einarsyni fyrir. Þetta er akkúrat málið eins og það liggur.

Þjóðin er algjörlega búin að missa alla virðingu fyrir Ríkisstjórn Jóhönnu Sigurðardóttir.

Það er bilun hjá Ríkisstjórninni að ætlast til þess að Þjóðin geti sýnt henni virðingu eftir alla þá útreið sem Þjóðin hefur fengið frá henni.

Takk Haraldur ég er svo oft sammála þér.

[Ásthildur Cesil Þórðardóttir, 29.9.2011 kl. 09:26]

Já ég tek líka undir með Andrési, þetta er sannleikurinn ómengaður.