Sakar Landssamband lögreglumanna um ósvífni/en og aftur gasprar Ólína til óþurftar !!!!

Sakar Landssamband lögreglumanna um ósvífni
Innlent | mbl.is | 1.10.2011 | 21:55
Ólína Þorvarðardóttir alþingismaður segist gapandi hissa yfir ályktun sem lögreglumenn sendu frá sér í dag. Hún segir að svo virðist sem lögreglan hafi verið tekin í gíslingu manna sem vilja beita henni sem pólitísku vopni. Ályktunin sé ósvífin og þeir eigi að biðjast afsökunar á henni.

Í tilkynningu sem Landssamband lögreglumanna sendi frá sér í dag eftir mótmælin á Austurvelli segir: „Lögreglumenn sem stóðu vaktina framan við Alþingi Íslendinga í dag vilja koma þeim skilaboðum á framfæri að þeim bar skylda til að sinna lögmætum fyrirmælum yfirmanna sinn – sem þeir og gerðu. Um þetta höfðu þeir ekkert val. Þeim þykir miður að hafa verið notaður sem mannlegur skjöldur milli þingheims og þjóðar.“

Ólína segist undrandi á þessari ályktun. Það sé „í raun ótrúlegt að Landssamband lögreglumanna skuli voga sér að blanda sér, og það líka með svona ósmekklegum popúlískum hætti, í stjórnmálin. Ber ekki lögreglunni að verja lýðræðisstofnanir samfélagsins? „Mannlegur skjöldur milli þings og þjóðar?“ Þeim getur bara ekki verið alvara. Var það „þjóðin“ sem stóð þarna á Austurvelli í dag og grýtti Alþingismenn? Ég held ekki. Og hvað er Landssamband lögreglumanna nákvæmlega að gefa í skyn? Að á Alþingi sitji bara, eins og fyrir tilviljun, eitthvað hyski sem vel megi berja líftóruna úr? Er það boðskapurinn?

Þetta er einstaklega ósvífið. Lögreglan, þessi mikilvæga og valdamikla stofnun í samfélaginu hefur nú, að því er virðist, verið tekin í gíslingu manna sem vilja beita henni sem pólitísku vopni. Stofnuninni á nú markvisst að beita til að grafa undan öðrum valdastofnunum samfélagsins og réttkjörnum stjórnvöldum. Alþingi. Ríkisstjórn. Landssambandið er hér komið inn á mjög hálar brautir. Það getur ekki talist eðlilegt að reynt sé að beita stofnun sem falið er mikilvægt öryggis- og valdahlutverk í samfélaginu með þessum hætti. Að láta hana ala á sundrungu. Að láta hana taka sér stöðu á hinu pólitíska sviði. Taka sér stöðu með sumum. Og gegn öðrum. Það er einfaldlega stórhættulegt og má aldrei láta viðgangast. Að minnsta kosti ekki ef okkur er annt um að kalla okkur áfram lýðræðisríki.

Forysta Landssambands lögreglumanna ætti að skammast sín fyrir þann haturskennda þjóðernispopúlisma sem þessi yfirlýsing lýsir. Hún ætti að sjá sóma sinn í því að draga hann til baka. Og biðjast afsökunar,“ segir Ólína á bloggsíðu sinni.///skiljum við nú því maður hneikslast á  þessu og hinu sem fólk lætur frá  sér fara um mótmælin ,þarna gasprara Ólína einu sinni ennþa´og lætur flakka eitthvað sem hún hugsar en að ekki að segja ,því mótmæli eiga á sér rétt bæði hja´okkur og lögreglu ef friðsamlegt eru en hún má sitja út á allt ,sem  fær greitt fyrir að bera þarna og vinna sina vinnu,en er bara á móti öllu og öllu/Halli gamli