„Langur og hreinskiptinn“ fundur/en sennilega ekki árangur sem erfiðið!!!!

„Langur og hreinskiptinn“ fundur
Innlent | Morgunblaðið | 5.10.2011 | 10:30
Deilurnar milli forseta Íslands, Ólafs Ragnars Grímssonar, og ríkisstjórnarinnar verða stöðugt harðari. Athygli vakti að bæði Jóhanna Sigurðardóttir forsætisráðherra og Svandís Svavarsdóttir umhverfisráðherra gagnrýndu forsetann í umræðum á Alþingi um stefnuræðu forsætisráðherra á mánudagskvöld. Sagði forsætisráðherra m.a. að forsetinn ætti að vera hafinn yfir dægurþras stjárnmálnnan

.Steingrímur J. Sigfússon fjármálaráðherra varaði við „sundurlyndisfjandanum“, sem Jón Sigurðsson gerði frægan í sinni tíð. Hvatti ráðherrann alla til að taka sig á, þar á meðal forsetann.

Háleynilegur trúnaðarfundur

Að sögn heimildarmanna í forsætisráðuneytinu áttu Jóhanna og Ólafur Ragnar fund á föstudag en Jóhanna minntist ekkert á hann í stefnuræðu sinni. Jóhanna mun ekki vilja tjá sig um fundinn þar sem um hann ríki trúnaður. En sagt er að hann hafi verið „langur og hreinskiptinn“ og fjallað meðal annars um samskipti ríkisstjórnar og forseta.

Forsetinn minntist ekki á þennan fund með Jóhönnu í ræðu sinni við setningu Alþingis daginn eftir. Ekki er ljóst hvort hann er einnig á því að alger trúnaður hafi átt að ríkja um hann, jafnvel um það hvort hann hafi farið fram! En ekki greindu menn mikinn sáttatón gagnvart ríkisstjórninni í ræðu forsetans á Alþingi sl. laugardag.

Hann lagði áherslu á að þingið afgreiddi tillögur stjórnlagaráðs um breytingar á stjórnarskránni áður en kosið yrði til forsetaembættisins á næsta ári. Tillögurnar gera stöðu forsetans valdameiri, að mati Ólafs Ragnars. Hann segir að kjósendur verði að vita hvaða völd þeir séu að fela forseta á næsta ári, hver sem hann verði. Forsetinn gefur enn ekkert upp um það hvort hann bjóði sig fram á ný.

Ólafur Ragnar hefur m.a. sakað ríkisstjórnina um að hafa látið Breta og Hollendinga svínbeygja sig í Icesave-deilunni.

„Menn beygðu sig fyrir þessu ofbeldi af hálfu Evrópuþjóðanna og samþykktu fyrst samning sem var svo óheyrilegur að ekki aðeins hrópaði íslenska þjóðin hann af heldur hlupu Bretar og Hollendingar frá honum [...] ef haldið hefði verið á málinu af skynsemi frá upphafi þá var bara algjör óþarfi að setja íslenska þjóð og samstarf okkar við Evrópuríkin í þessa spennitreyju,“ sagði forsetinn í viðtali við Ríkisútvarpið 4. september.

Jóhanna nafngreindi ekki forsetann í ræðu sinni. „Það er óumdeilt að forsetinn hefur frelsi til að tjá sig opinberlega,“ sagði forsætisráðherra. En mikilvægt væri að forsetinn virti „í orði og verki“ þá stefnu og stjórnarframkvæmd sem réttkjörin stjórnvöld mótuðu á hverjum sinn.////þetta með Forseta vorn hefur alltaf verið um deilt,og við hlustað fyrir hverjar kosningar um, það rifist en það er staðreynd að hann er þjóðkjörin af fólkinu og við eigum að eiga hann sem varaventil á stjórmálin ,ef þau ganga fram!!! að meirihluta fólks i landinu samt hvað stjórnarfar er!! þetta a´ekki að vera stöðutákn bara og ekki tjá sig alls ekki ef með þarf,við viljum ekki bara brúðu eða bara mynd a´vegg við viljum greindan Forseta sem getur tjáð sig og má ef þarf og er nauðsyn,það breytir ekki engu fyrir ráðandi ríkisstjórn,alls ekki að hafa varnagla jafnvel hinar leiðirnar em tala er um 10-20% þjóðar vora getu látið mál fara í atkvæðagreiðslu er ekki betra,það er og verður eylíft/en þetta er það ábyggilega meirihluti vill hafa Forseta fólksins og varnagla og mann sem segir sinar skoðanir jafnvel þó líki ekki!!!lli gamli

„Langur og hreinskiptinn“ fundur

Athugasemdir

[Ásthildur Cesil Þórðardóttir, 5.10.2011 kl. 12:05]

Algjörlega sammála þér Haraldur svo sannarlega.  Ég hugsa með hryllingi hvað hefði gerst ef forsetinn okkar hefði ekki tekið afstöðu með þjóðinni, en farið eins og lúpa og samþykkt alla vitleysuna sem frá stjórnvöldum kemur.  Ef þau eru réttkjörinn, þá er hann svo sannarlega ennþá meira réttkjörin en þau. 

[Ásdís Sigurðardóttir, 5.10.2011 kl. 14:09]

Sammála.