Erfiðustu kaflarnir ekki opnaðir á næstunni/nú sagði ekki Össur að þessu yrði öllu flítt!!!!

Erfiðustu kaflarnir ekki opnaðir á næstunni
Innlent | mbl.is | 6.10.2011 | 18:22
„Það er ljóst mál að Evrópusambandið lítur ekki svo á að það verði á næstunni tekist á við stóru ágreiningsmálin sem uppi eru á milli Íslands og sambandsins svo sem í sjávarútvegs- og landbúnaðarmálum. Kaflarnir sem lúta að þessum tveimur málaflokkum verða ekki opnaðir strax,“ segir Einar K. Guðfinnsson, þingmaður Sjálfstæðisflokksins.

Þriðju fundur sameiginlegrar þingmannanefndar Alþingis og Evrópuþingsins vegna umsóknar Íslands um aðild að ESB fór fram í Brussel í dag en Einar var á meðal þeirra íslensku þingmanna sem sátu fundinn. Hann segir íslensku þingmennina á fundinum hafa spurt mjög eftir því hvenær sjávarútvegs- og landbúnaðarmálin yrðu tekin fyrir og talið eðlilegast að þau yrði tekin strax til umræðu.

Aðspurður hvort fram hafi komið á fundinum hvenær kaflarnir tveir yrðu teknir fyrir segir Einar að fulltrúar ESB hafi forðast mjög að nefna einhverjar dagsetningar í því sambandi. „En ég held að það sé alveg ljóst mál að við séum frekar að tala um mánuði heldur en vikur."

Heimavinnan í landbúnaðarmálum ekki unnin

Valgerður Bjarnadóttir, þingmaður Samfylkingarinnar og varaformaður utanríkismálanefndar Alþingis, staðfestir í samtali við mbl.is að sjávarútvegs- og landbúnaðarkaflinn verði ekki teknir fyrir strax að mati ESB. Hún segir að landbúnaðarmálin verði örugglega ekki tekin fyrir á þessu ári vegna þess að sjávarútvegsráðuneytið hafi ekki unnið þá heimavinnu sem sambandið hafi farið fram á að yrði gert áður en sá kafli yrði opnaður. Boltinn væri hins vegar hjá ESB varðandi sjávarútvegsmálin en tafir í þeim efnum væri að rekja til yfirstandandi breytinga á sjávarútvegsstefnu sambandsins.

Valgerður segir að fram hafi komið í máli fulltrúa ESB að aðildarferlið gengi að öðru leyti vel að þeirra áliti og samkvæmt áætlun. Þá hafi komið fram í máli þeirra að ekki þyrfti að ráðast í neinar breytingar á fyrirkomulagi landbúnaðarmála hér á landi samhliða viðræðum um málaflokkinn en hins vegar yrði að setja saman áætlanir um það hvernig staðið verði að þeim breytingum þegar þar að komi.

Auk Einars og Valgerðar sátu fundinn fyrir hönd Alþingis þau Árni Þór Sigurðsson og Guðfríður Lilja Grétarsdóttir, þingmenn Vinstrihreyfingarinnar - græns framboðs, Jónína Rós Guðmundsdóttir og Björgvin G. Sigurðsson, þingmenn Samfylkingarinnar, Þorgerður Katrín Gunnarsdóttir, þingmaður Sjálfstæðisflokksins, Sigmundur Davíð Gunnlaugsson, þingmaður og formaður Framsóknarflokksins, og Birgitta Jónsdóttir, þingmaður Hreyfingarinnar.///það er svo að þetta stangast mikið á við það sem Össur var að segja okkur, um daginn það þessu öllu yrði flýtt!!! það er svo að þessir kaflar sem eru okkur mest virði verða ekki ræddir strax,hvers vegna ekki er sennilega það að það er engin vilji okkar fyrir því að gangast inná þessa samninga þeirra ,það er ekkert eftir gefið er það ekki??? ,og það hefur alltaf verið svo annað er bara steypa,Samfylking er að búa til að mínu mati og fl.það er svo að 65% allavega er á móti þessu núna en þeir treysta a´að við skiptum um skoðun sem ekki verður,als ekki ,við herðumst ef eitthvað er,ef þið lesið þetta sem þarna stendur er það bara til að sannreyna að svo er/Halli gamli

Erfiðustu kaflarnir ekki opnaðir á næstunni