Búnaðurinn fannst eftir leit/það er margt sem þarf að varast í þessi lífi okkar!!!

Búnaðurinn fannst eftir leit

Aðalmeðferðin yfir Þorsteini hafin

 

Héraðsdómur Reykjavíkur mbl.is

Aðalmeðferð í máli lögreglustjórans á höfuðborgarsvæðinu gegn Þorsteini Húnbogasyni hófst eftir hádegið í dag. Þorsteini, sem er fyrrverandi sambýlismaður Sivjar Friðleifsdóttur, þingmanns Framsóknarflokksins, er gefið að sök að hafa komið fyrir staðsetningarbúnaði í bíl hennar. Hann neitaði við þingfestingu málsins sök.

Samkvæmt ákæruskjali mun Þorsteinn hafa fylgst með ferðum Sivjar haustið 2010. Hann er ákærður fyrir brot á fjarskiptalögum.

Mikill fjöldi fjölmiðlamanna tók á móti Þorsteini auk þess sem laganemar fjölmenntu í dómsal. Varð úr að færa þurfti dómþingið í annan og stærri sal og bæta við sætum. Þorsteinn tók athyglinni með stóískri ró, en hann var myndaður í bak og fyrir.

Innlent | mbl.is | 11.10.2011 | 14:01
Siv Friðleifsdóttir, þingmaður Framsóknarflokks, sagði fyrir dómi í dag að hún hafi látið leita í bíl sínum eftir að henni þótti grunsamlegt hversu oft sambýlismaður hennar fyrrverandi vissi um ferðir hennar. Við leitina fannst búnaðurinn, og þurfti að taka tæki úr mælaborðinu til að finna hann.

Siv sagðist fyrst hafa haldið að Þorsteinn Húnbogason væri með menn að elta sig. Þegar hún svo kom inn á heimili sitt fyrrverandi til að hitta son sinn fann hún miða þar sem skrifað var mínútu fyrir mínútu hvar hún var heilan dag. Á einni þeirri staðsetningu hafði Þorsteinn birst í eigin persónu.

Hún sagðist hafa slökkt á búnaði í síma sínum ef hann væri að elta sig í gegnum það. Í kjölfarið lét hún leita í bílnum.

Var með yfirlit um símnotkun

 

Siv Friðleifsdóttir, þingmaður Framsóknarflokksins. mbl.is/Ómar

Siv Friðleifsdóttir, þingmaður Framsóknarflokks, sagði fyrir dómi í dag að Þorsteinn Húnbogason, fyrrverandi sambýlismaður hennar, hafi hlaðið niður ársnotkun úr síma hennar og sent númer til þriðja aðila til að fá upplýsingar um þau. Það mál er hins vegar ekki fyrir dómi.

Siv sagði að Þorsteinn hefði með blekkingum fengið nýtt leyninúmer að símnotkun hennar og hlaðið niður yfirliti með öllum þeim símanúmerum sem hún hringdi í á árstímabili. Hún sagði það afar bagalegt enda sé hún í samskiptum við háttsetta ráðamenn þjóðarinnar.

Hún tók fram að það mál sé hins vegar ekki fyrir dómi og hún þurfi að höfða einkamál vegna þess. Ekki kom fram hvort hún hyggist gera það.

 

Þorsteinn Húnbogason ásamt lögmanni sínum í héraðsdómi í dag mbl.is/Árni Sæberg

Þorsteinn Húnbogason sagðist fyrir dómi í dag ekki hafa vitað að ökuriti sem hann kom fyrir í bifreið Sivjar Friðleifsdóttur, fyrrverandi sambýliskonu hans, hafi einnig verið eftirfararbúnaður. Hann hafi ekki kunnað á búnaðinn þegar kæran barst.

Þorsteinn hóf mál sitt á að andmæla því að um sé að ræða staðsetningarbúnað. Þetta hafi verið ökuriti sem hann hafi leigt til þess að fylgjast með og fá aksturseinkunn hjá syni sínum sem var nýbúinn að fá ökuleyfi. Hann tók skýrt fram að hann hafi ekki verið að fylgjast með Siv né hafi hann vitað að hægt væri að fylgjast með staðsetningu bifreiðarinnar fyrr en málið hafi komið upp.

Fleiri voru ekki með aðgang að akstursskýrslunum sem bárust daglega í tölvu Þorsteins. Spurður hvort hann hafi látið Siv fá upplýsingar um skýrslurnar sagði Þorsteinn, að hún hafi ekki beðið um neinar upplýsingar.

Þá var hann spurður út í orð sín hjá lögreglu um að hann fylgdist vel með konu sinni og sagði Þorsteinn að það væri í gegnum opinbera heimasíðu hennar og í gengum syni þeirra.///allavega er þetta sakamál ekki spurning þetta er opinber persóna ,og að gera svona hlýtur að vera saknæmt ekki spurning,þessir Alþingsmenn eru þarna opinberir og það gerir málið meira saknæmt,við eigum að fylgjast með svona malum þetta eru ekki einkamál,þegar er um svona opinbera persónu að ræða,við viljum ekki svona og það ber að taka i þessu með festu,biðum eftir dómúrsskurði öll og það er auðvitað engin feluleikur!!!/Halli gamli

Búnaðurinn fannst eftir leit