Alþingi skipi sannleiksnefnd//er ekki búið að skipa í nefnd,hvað leikaraskapur er þetta???

Alþingi skipi sannleiksnefnd
Innlent | mbl.is | 12.10.2011 | 17:44
Björgvin G. Sigurðsson, alþingismaður, mælti í dag fyrir þingsályktunartillögu um að Alþingi skipi sannleiksnefnd til að rannsaka málsmeðferð svonefndra Guðmundar- og Geirfinnsmála.

Lagt er til að sannleiksnefndin fari ítarlega yfir alla málsmeðferð og rannsókn Guðmundar- og Geirfinnsmála frá 8. áratug 20. aldar. Í nefndinni verði lögfræðingur, sagnfræðingur og reynslumikill fjölmiðlamaður. Nefndin skili niðurstöðu til Alþingis eigi síðar en 1. október 2012.

Sannleiksnefndin á að hafa óheftan aðgang að öllum gögnum málanna og hún skal leitast við að kalla til alla þá sem enn lifa og komu við sögu í rannsókn og málsmeðferðinni.

Björgvin kvaðst fagna því að nokkru eftir að þingsályktunartillagan kom fram hafi innanríkisráðherra skipað starfshóp til að fara ofan í rannsókn Guðmundar- og Geirfinnsmála á sínum tíma. Hann sagði að sannleiksnefndin muni hafa stærra hlutverk en starfshópurinn og niðurstaða hans muni gagnast sannleiksnefndinni.

Greinargerð með þingsályktunartillögunni lýkur á orðunum: „Að mati flutningsmanna tillögunnar hníga öll rök að því að farið verði rækilega ofan í alla þætti málanna og sannleikurinn um efnisatriði og málsmeðferð leiddur í ljós í eitt skipti fyrir öll.“///Er þetta í lagi Raðherra er ný búin að skipa nefnd sem á að rannsaka þetta,eða er þetta bara grín!!! við höfum allt annað að gera til að bjarga 26 þus heimilum frá því að missa sitt,Björgvin !!!eða hvað????Halli Gamli

Alþingi skipi sannleiksnefnd

Athugasemdir

[Vendetta, 12.10.2011 kl. 22:48]

 „Að mati flutningsmanna tillögunnar hníga öll rök að því að farið verði rækilega ofan í alla þætti málanna og sannleikurinn um efnisatriði og málsmeðferð leiddur í ljós í eitt skipti fyrir öll.“

Og síðan hvað? Málið verður ekki tekið upp aftur nema ný sönnunargögn komi í ljós. Og eftir allan þennan tíma með yfirhylmingum er það ólíklegt.

[Ingibjörg Guðrún Magnúsdóttir, 12.10.2011 kl. 23:14]

Já ég var líka að spá í þessa frétt Haraldur vegna þess að það er eins og mig minni að það sé búinn að koma frétt fyrir nokkru um stofnun 3 manna sannleiksnefndar.

Mér finnst full ástæða til þess að rannsaka háttarlag og starfsaðferðir þeirra sem stóðu að yfirheyrslum á þessu fólki sem tekið var vegna þessa máls á sínum tíma, þessar fréttir sem komið hafa úr dagbókunum eru sláandi og ég man eftir því þegar Geirfinnur hvarf og hversu sláandi þetta mál var í Keflavík þá meðal annars vegna aðferðarfræði Lögreglunar í yfirheyrslum og löngum einangrunartíma þeirra sem teknir voru.

Það er alveg skelfilegt ef að þeir sem teknir voru og fengu þunga dóma eru svo saklausir og í ljós kæmi að fólkið hefði verið dæmt sekt vegna aðferðarfræði í vinnubrögðum þeirra sem að yfirheyrslu stóðu...