Fyrsta svar Jóns Ásgeirs rétt/ennþá er þetta aðal fréttaefnið !!!þó svo skattsvik sé milljónir daglega hjá hinum og þessum

Fyrsta svar Jóns Ásgeirs rétt
Innlent | mbl.is | 19.10.2011 | 10:57
Byggja ætti á fyrstu skýringunni sem Jón Ásgeir Jóhannesson gaf á bónusgreiðslu upp á fjórar milljónir árið 2000, eins og segir í ákæru, en ekki á skýringum sem komu fram síðar og tóku nokkrum breytingum, að mati Helga Magnúsar Gunnarssonar sem flytur nú málsflutningsræðu í skattahluta Baugsmálsins.
Helgi Magnús benti á að við yfirheyrslu hjá lögreglu, strax eftir að málið kom upp, hafi Jón Ásgeir sagt að um hefði verið að ræða  bónusgreiðslu skv. starfssamningi við Baug. Þá hafi ekki verið búið að ganga endanlega frá greiðslunni í bókhaldinu. Hjá skattrannsóknarstjóra árið 2004 hefði Jón Ásgeir sagt að hann vissi ekki hvort um hefði verið að ræða lán eða fyrirframgreidd laun. Síðar hafi borist skýring frá innri endurskoðun Baugs, um  að þetta hafi verið viðskiptaskuld Jóns Ásgeirs sem hann hafi greitt með víxli í september 2002.

Helgi Magnús sagði að við yfirheyrslu hjá lögreglu í júní 2007 hefði Jón Ásgeir sagt að umrædd greiðsla hefði ekki verið launagreiðsla, líkt og hann sagði í upphafi, heldur hefði verið um lán að ræða.

Helgi Magnús sagði að nú væri svo komið að byggt væri á að Jón Ásgeir hefði átt inneign hjá félaginu og þess vegna fengið umrædda greiðslu. Þessi niðurstaða hefði reyndar fengist eftir að endurskoðendur hans fóru yfir og stemmdu af reikninga. Þá hefði inneignin komið í ljós.

Helgi Magnús benti á að greiðslan hefði á sínum tíma ekki getað verið innt á hendi á grundvelli skýringa, s.s. um inneign, sem voru leiddar fram miklu síðar. Greiðslan hljóti að hafa verið innt af hendi á grundvelli skýringa sem lágu fyrir á þeim tíma. „Við erum að tala um forstjóra félagsins,“ sagði Helgi Magnús og Jón Ásgeir hlyti að hafa vitað af hverju hann átti rétt á greiðslu upp á fjórar milljónir.

Í þessu máli, líkt og yfirleitt í sakamálum, væri rétt að byggja á fyrstu skýringu sem menn gæfu í yfirheyrslum, áður en þeir færu að finna eftiráskýringar. Hin raunverulega skýring væri sú að þetta væru launatekjur sem Jón Ásgeir hefði ekki greitt skatta af.///Hafi drengurinn gert þetta er það auðvitað dómsmál,og hefði átt að vara lögu gert,en svona sagan endalausa um þetta Baugsmal er ekki í lagi að mínu áliti,það er svo mikið svikið undan skatti i dag að svartri vinnu að það eru milljónir á dag þetta vitum við öll og fjármálaráðherra einnig enda skattar að drepa fólkið og það reynir allt til framfæris á eigin skinni,en þetta er Baugsmal er blaðamál dag eftir dag/Halli gamli

Fyrsta svar Jóns Ásgeirs rétt