Eimskip frumhannar nýja ferju /lokisns kom eitthvað af viti þarna,ef af verður!!!!!

Eimskip frumhannar nýja ferju
Innlent | mbl.is | 29.10.2011 | 17:10
Eftir ítarlega leit um allan heim að ferjum sem gætu hentað betur en Herjólfur til siglinga í Landeyjahöfn fundust aðeins tvær sem gætu komið til greina og hvorug er á lausu. Eimskip hefur því látið frumhanna nýja ferju sem aðlöguð hefur verið að aðstæðum í Landeyjahöfn.

Fram kemur í yfirlýsingu frá Eimskip að félagið hafi mikinn áhuga á því að taka þátt í því verkefni að tryggja og bæta samgöngur á milli lands og Eyja. Reynslan af siglingum með Herjólfi í Landeyjahöfn hafi sýnt að skipið  sé of djúprist. Það tekur á sig of mikinn vind og á í  erfiðleikum með strauminn og ölduna og hefur því ekki nægilega góða stjórnhæfni við ákveðnar aðstæður. Auk þess taka nýjar reglur gildi árið 2015 sem Herjólfur uppfyllir ekki varðandi ferjusiglingar á hafsvæði B.

„Því er tímabært að fara nú þegar að huga að framtíð siglinga milli Eyja og Landeyjahafnar til lengri tíma. Eimskip hefur látið frumhanna nýja ferju sem aðlöguð hefur verið að aðstæðum í Landeyjahöfn varðandi djúpristu og stjórnhæfni,“ segir í yfirlýsingunni frá Eimskip.

Ferjuhönnunin tekur mið af farþega- og bílafjölda og einnig mið af því að afgreiðsla skips í höfnum gangi hratt og vel fyrir sig. Auk þess er lögð áhersla á að ferjan sé hagkvæm í rekstri og umhverfisvæn.  Ferjan getur flutt allt að 78 fólksbíla og 400 farþega í hverri ferð  yfir veturinn, en allt að 475 farþega yfir sumarið.  Áætlaður kostnaður við smíði ferjunnar er tæplega 4 milljarðar króna og gert ráð fyrir því að hægt sé að fá ferjuna afhenta eftir 18-24 mánuði.

„Eimskip er tilbúið að skoða nánar með Vegagerðinni að koma að fjármögnun og byggingu nýrrar ferju og taka þannig þátt í að leysa samgöngumál milli lands og Eyja á farsælan hátt til langs tíma. “////lokisis  kom eitthvað af viti þarna ,sem menn ættu að skoða vel ,og taka ef gefst og allt gengur upp ekki spurning um það!!! það er nauðsins að gera þetta og það sem fyrst enn ekki geyma ´það og taka þarna ákvörðun strax og ekki vera að fjalla um þetta meira og minna/Halli gamli

Eimskip frumhannar nýja ferju

Athugasemdir

[Ásthildur Cesil Þórðardóttir, 29.10.2011 kl. 17:41]

Já þetta eru sannarlega gleðifréttir fyrir vestmanneyinga og þá sem hafa áhuga á að sækja eyjarnar heim.  Ég mun örugglega fara þangað þegar ég hef tíma.

[Eyjólfur Jónsson, 29.10.2011 kl. 17:59]

Jahá! Það tók mig 10 mín að finna 2 hentugar ferjur og sem voru á lausu og kostuðu ekki miljarða.En það er víst svo komið  að Eimskip sem gafst upp á strandsiglingum við ísland fara að kalla sig sérfræðing á skottúraferjum, döllum sem þeir hafa enga reynslu í. Það hafa Norðmenn. En þeir eru ekki í klíkunni og við bara borgum.

[Árni Sigurður Pétursson, 29.10.2011 kl. 21:29]

Hvaða ferjur eru það Eyjólfur ?