Meirihluti vill þjóðgarð á miðhálendinu/þetta er ekki marktækt als ekki !!!!!!

Meirihluti vill þjóðgarð á miðhálendinu
Innlent | mbl.is | 2.11.2011 | 14:44
Meirihluti landsmanna er hlynntur því að þjóðgarður verði stofnaður á miðhálendi Íslands. Þetta kemur fram í nýrri skoðanakönnun sem Capacent Gallup vann fyrir öll helstu náttúruverndarsamtök Íslands.

Spurt var: „Ertu hlynnt(ur) eða andvíg(ur) stofnun þjóðgarðs á miðhálendi Íslands?“

Eru 56% aðspurðra hlynntir stofnun þjóðgarðs á miðhálendinu, 17,8% aðspurðra eru andvígir en 26,2% eru hvorki hlynntir né andvígir, að því er fram kemur í tilkynningu sem Náttúruverndarsamtök Íslands sendu á fjölmiðla. 

„Hugmyndin um þjóðgarð á miðhálendi Íslands á vísan stuðning meðal allra aldurshópa og íbúa allra landshluta. Mestur er stuðningurinn í Reykjavík en þar segjast 64% vera hlynnt stofnun þjóðgarðs á miðhálendinu. Minnstur er stuðningurinn í Suðurkjördæmi en þar segist þó rétt innan við helmingur vera hlynntur stofnun þjóðgarðs eða 45%,“ segir í tilkynningunni.

Náttúruverndarsamtök Íslands benda á að í lok næstu viku renni út frestur til að skila athugasemdum við drög að þingsályktun um Rammaáætlun. Segir að samtökin, sem hafi látið gera könnunina, telji að niðurstaða skoðanakönnunarinnar sé til marks um skýran vilja almennings til þess að vernda miðhálendið sem eina óraskaða heild. Að öræfi landsins sé auðlind sem sífellt verður dýrmætari.

Eftirfarandi samtök stóðu að skoðanakönnunni

• Eldvötn - samtök um náttúruvernd í Skaftárhreppi
• Félag um verndun hálendis Austurlands
• Framtíðarlandið
• Fuglavernd
• Jöklahópurinn Skagafirði
• Landvernd
• Náttúruvaktin
• Náttúruverndarsamtök Íslands
• Náttúruverndarsamtök Suðurlands
• Náttúruverndarsamtök Suðvesturlands
• Náttúruverndarsamtök Vestfjarða
• NAUST
• Sól á Suðurlandi
• SUNN
• Þetta er bara ekki mark tækt spurning!!!! er ekki um að friða þetta fyrir öllu sem gæti komið okkur til góða,en það er það sem hangir á spýtunni að koma okkur i aftur i tíman!!! og hafa bara ferðamenn sem borga sig inn þarna ,og við eigum þarna ekkert,er þetta Þaðs sem fólkið vill nei það vill að við nytum okkar auðlindir hvar sem þær eru ,og veitir ekki af,við getum ekki lokað á það annars fer illa og það er það sem þetta ofurgræna fólk vill/Halli gamli

Meirihluti vill þjóðgarð á miðhálendinu