Mæðgur brátt lausar úr haldi///þetta skyljum við ekki ,svo hvað??????

Mæðgur brátt lausar úr haldi
Innlent | mbl.is | 2.11.2011 | 17:31
Mæðgurnar, sem grunaðar eru um stórfellda þjófnaði í fataverslunum, verða látnar lausar úr haldi lögreglu í kvöld. Að sögn Geirs Jóns Þórissonar, yfirlögregluþjóns í lögreglunni í Reykjavík þótti ekki ástæða til að fara fram á að gæsluvarðhaldsúrskurður yfir þeim yrði framlengdur.

„Rannsóknin hefur gengið vel og við teljum að það skaði ekki rannsóknarhagsmuni, þó að þær verði látnar lausar,“ segir Geir Jón. „En við erum ennþá að vinna i málinu,“

Á heimilum mæðgnanna fundust meira en fjörutíu svartir ruslapokar, fullir af dýrum fatnaði og skóm. Talið er að andvirði þýfisins sé hátt á annan tug milljóna króna. einnig voru þar kannabisplöntur og tæp hálf milljón króna í reiðufé.

Konurnar voru gripnar í Smáralind í Kópavogi fyrir nokkrum dögum síðan með sérútbúinn poka, sem var fóðraður að innan með álpappír, en þannig gátu þær varist þjófavörnum verslana.

Leitað var á heimili móðurinnar, þá fannst  lítill hluti þýfisins og var þeim sleppt úr haldi að loknum yfirheyrslum.  

Nokkrum dögum síðar var ákveðið að leggja hald á tölvu á heimili móðurinnar, en þá var þar mikið magn, um 30 pokar af meintu þýfi, sem ekki hafði verið þar við fyrri húsleit og einnig fannst fatnaður sem fyllti tíu poka á heimili dótturinnar, sem er 17 ára. Í framhaldi af þessu voru konurnar úrskurðaðar í gæsluvarðhald.

Geir Jón segir að lögregla hafi leitað víða að meira þýfi, en ekkert fundið til viðbótar. Lögregla telji sig nú hafa leitað af sér allan grun.þetta er svo og hvað ekki einu sinni farbann ef þær eru erlendar jafnvel Íslenskar?? en hvað þetta er milljóna þjófnaður og svo bara sleppt?? þetta er engin skíring á malum als ekki,við viljum betri skíringar Borgararnir!!!/Halli gamli

Mæðgur brátt lausar úr haldi

Athugasemdir

[Biggi (IP-tala skráð) 2.11.2011 kl. 20:53]

Konurnar voru gripnar í Smáralind í Kópavogi fyrir nokkrum dögum síðan með sérútbúinn poka, sem var fóðraður að innan með álpappír, en þannig gátu þær varist þjófavörnum verslana.

Þá vita þeir sem vilja hvað þarf að gera til að verjast þjófavörnum.......

Einkennilegt að setja aðferðirnar í fréttirnar