Byrjað að innrita börn fædd 2010/Hvert Barn kostar 2 milljónir á ári !!!!!

Byrjað að innrita börn fædd 2010
Innlent | mbl.is | 8.11.2011 | 11:28
Reykjavíkurborg skoðar nú hvort svigrúm sé til þess í fjárhagsáætlun 2012 að taka börn fædd árið 2010 í áföngum inn í leikskólana. Ekki er til fjármagn til að mæta viðbótarkostnaði vegna lausra leikskólaplássa nú en um 100 rými eru laus á leikskólum borgarinnar.

Á fyrri hluta ársins yrðu börn sem fædd eru snemma á árinu 2010 tekin inn. Önnur börn úr árganginum yrðu í síðasta lagi tekin inn eftir sumarleyfi þegar elstu leikskólabörnin fara í grunnskóla.

Reykjavíkurborg mun því standa við gefin fyrirheit um að öll börn fædd á árinu 2010 fái leikskólapláss á því ári sem þau verða tveggja ára eins og verið hefur. Verður inntöku þeirra á næsta ári hraðað eftir fremsta megni og þau tekin inn um leið og pláss losna. Engin áform eru um að fækka fólki á leikskólum Reykjavíkurborgar, samkvæmt tilkynningu frá Reykjavíkurborg.

Um 100 laus rými eru nú þegar fyrir hendi í leikskólunum, m.a. vegna viðbótarhúsnæðis sem komið var upp við nokkra þeirra í haust til að mæta hinum stóra 2009 árgangi sem þegar er kominn inn í leikskólana. Reykjavíkurborg er því ágætlega í stakk búin til að taka við nýjum og stórum árgangi barna á næsta ári.

Húsnæðiskostnaður er einungis 8 % af kostnaði við hvert leikskólapláss. Langmestur kostnaður er vegna launa starfsfólks. Ekki er til fjármagn til að mæta viðbótarkostnaði vegna lausra leikskólaplássa á árinu 2011 en verið er að skoða hvort hægt sé að hraða inntöku elstu barnanna. Mikið átak þurfti til að koma hinum stóra árgangi 2009 inn í leikskólana á þessu ári, bætt var við húsnæði og framlög til leikskólana aukin um hundruðir milljóna.

Hvert leikskólapláss kostar um 2 milljónir á ári en Reykjavíkurborg þjónustar nú um 7.000 leikskólabörn. Rekstur á leikskólum Reykjavíkurborgar kostar um 10 milljarða á ári en leikskólagjöld í Reykjavík eru enn þau næstlægstu á landinu.

Árið 2008 voru leikskólabörn í Reykjavík 6.500 en verða eftir að 2010 árgangurinn er kominn inn um 7.100. Leikskólabörnum í Reykjavík mun þá hafa fjölgað um 600. Hafa fjárframlög til reksturs leikskólanna hækkað um rúman milljarð frá árinu 2008 og hafa aldrei verið hærri.

Nú þegar hafa 70 börn fædd árið 2010 verið tekin inn í leikskóla Reykjavíkurborgar. Eru það börn sem fá forgang vegna sérstakra aðstæðna, t.a.m. félagslegra eða vegna fötlunar. Reykjavíkurborg heldur einnig alltaf um 40 plássum lausum fyrir börn sem flytjast til borgarinnar eða þurfa af öðrum ófyrirséðum ástæðum að komast strax inn á leikskóla.////Þetta er mikill peningur að borga ekki spurning!!! Eða um 10 milljarðar á árinu,svo ef viðbætis 100 börn,bætast við 2 milljarðar,er þetta hægt spyr maður bara svo að bæði hjón geti unnið úti,það er spurningin hvort ekki eins og ég hefi áður sagt, borga mæðrum þetta fyrir að vera heima og einnig dagmæðrum svipað,þetta er komið i öfgar að mínu mati og ósanngjarnt mjög,það spyrja margir hvar er jöfnuðurinn þarna????/Halli gamli

Byrjað að innrita börn fædd 2010