Líkur á þrumuveðri á SA-landi/ gott að vara menn við!!!!!

Líkur á þrumuveðri á SA-landi Innlent | mbl.is | 22.11.2011 | 19:22 Vel má vera að næstu klukkustundirnar muni íbúar frá Hornafirði austur á miðja Austfirði heyra drynja á milli fjallanna en mikið þrumuveður er suður á Atlantshafi og nær jaðar aðalsvæðisins að suðaustanverðu landinu. Frá þessu segir á bloggsíðu Einars Sveinbjörnssonar veðurfræðings. „Eldingakerfið hefur numið hundruðum ef ekki þúsundum eldinga í þéttum klasa frá því í morgun,“ segir Einar á síðunni og útskýrir hvað veldur þessum miklu eldingum. „Hlýtt og mjög rakt loft í neðri lögum er að ryðjast norðaustur á bóginn og á sama tíma er kalt í efri loftlögum. Í lægðum eins þeirri sem nú er að verki er oftast nokkur fasamunur, þ.e. kalda loftið í háloftum kemur í kjölfar þess milda í lægstu 3 km eða svo. Nú staflast þetta saman og lóðréttur óstöðugleiki loftsins veldur hleðslumun og aftur niðurslætti allra þessara eldinga.“ Einar segir að miðja lægðarinnar sé nú skammt suður af Reykjanesi en spáð sé að hún fari norðaustur yfir landið í nótt. Aðalsvæðið sé þó fjarri sjálfri lægðarmiðjunni, jaðar þess eigi skammt eftir að suðaustanverðu landinu og því séu auknar líkur á þrumum og eldingum þar í kvöld.//////viðvörun er allaf góð jafnvel þó mynna úr verði Veðursofan segir þetta einnig!! en Einar er snillingur að spá það synir 5 daga spárnar hans og vel það//Halli gamli

Líkur á þrumuveðri á SA-landi