Stórhríð á Mýrdalssandi/// það er einng víðar ,þetta er svona ekki gott!!!!

Stórhríð á Mýrdalssandi
Innlent | mbl.is | 4.12.2011 | 21:49
Á Mýrdalssandi og vestur yfir Reynisfjall er þæfingur og stórhríð og er ekkert ferðaveður á þessum slóðum. Mun færð þyngjast mjög fljótlega með kvöldinu, samkvæmt upplýsingum frá Vegagerðinni.
Hálka og skafrenningur er á Hellisheiði en hálka í  Þrengslum. Hálka og hálkublettir eru á Suðvesturlandi.
Á Vesturlandi er hálka og skafrenningur á flestum leiðum. Ófært er á Fróðárheiði. Þungfært er á Útnesvegi.

Á sunnanverðum Vestfjörðum er þungfært á Klettshálsi og Kleifarheiði, þæfingur og skafrenningur á Mikladal og Hálfdáni. Annars er hálka, snjór, skafrenningur og éljagangur á flestum leiðum á Vestfjörðum. Vegfarendur á leið til Ísafjarðar
eða Hólmavíkur eru beðnir að fara norður Strandir því ófært er um Þröskulda.

Á Norðurlandi er hálka eða snjór á flestum leiðum. Éljagangur er í Eyjafirði. Þæfingsfærð er á Hólasandi.

Á Austurlandi er hálka eða snjór á flestum leiðum. Þæfingsfærð er á Breiðdalsheiði og Öxi./////þetta er +islenskur vetur á fullu öll vitum við að svona getur þetta orðið alstaðar ,við höfum haft það svo gott undanfarið,en við þessu vön  og bara förum varlega vonandi öll!!!!/halli gamli

Stórhríð á Mýrdalssandi

Athugasemdir

[V.Jóhannsson (IP-tala skráð) 4.12.2011 kl. 22:31]

En hvað með kínverska golfvöllinn, er hann ekki opinn? Það er bara að vera nógu flótur að panta.